A Sección 1 da Sala do Contencioso-Administrativo do Tribunal Superior de Xustiza de Galiza (TSXG) vén de anular parcialmente a RPT (Relación de Postos de Traballo) do Concello de Celanova que leva acumuladas xa varias sentenzas na súa contra. O tribunal considera que a atribución dun tramo fixo no complemento específico “non parte dun exame dos postos de traballo senón dunha suposición infundada” e continúa dicindo que contradí “a obxectividade, como unha das características fundamentais do complemento específico”.

A CIG vén de convocar unha concentración o vindeiro luns, 15 de marzo, ás 10:30 horas diante do Concello de Celanova, para denunciar a falta de negociación da RPT. A protesta coincide coa celebración do plano municipal no que se vai tratar a RPT, así como os orzamentos do Concello para este ano. A CIG-Administración lembra que o goberno local vulnerou o dereito á negociación colectiva efectiva e denuncia que "a RPT aprobada é un exercicio de arbitrariedade e de subxectividade".

O 4 de xaneiro tivo lugar a última xuntanza da Mesa Xeral de Negociación convocada a raíz da sentenza número 108/09 do Xulgado do Contencioso-Administrativo nº 2 de Ourense na que se condenaba ao Concello de Celanova a elaborar unha Relación de Postos de Traballo (RPT) no Concello.

Os Policías Locais do Concello de Celanova veñen de gañar, outra vez, unha sentenza no Xulgado do Contencioso Administrativo nº 1 de Ourense no que se obriga ao Concello de Celanova a convocar unha Mesa Xeral para negociar as condicións de traballo das/os funcionarias/os.