Diante do comunicado emitido polo Club Natación de Ferrol acusando á CIG de mentir a respecto do despedimento de tres traballadoras da piscina municipal de Caranza, dende a Federación de Servizos queren lembrar á entidade as súas obrigas legais co persoal, todavez que agora se encarga da xestión desta instalación.

A CIG-Servizos vén de denunciar publicamente o despedimento de tres traballadoras da instalación municipal de Caranza, ás que o Club Natación de Ferrol (que neses momentos xestiona a instalación) non recoñece o dereito á subrogación, a pesar de que así o estabelece o convenio de instalacións deportivas de Galiza.

A Federación de Servizos de Ferrol ven de gañar por maioría as eleccións sindicais realizadas o día 7 de abril na empresa Serviocio, adicada á xestión das Instalacións Deportivas Municipais da Malata.

A CIG vén de gañar as eleccións sindicais, celebradas o martes 29 de marzo, en Sermasa, empresa encargada das instalacións deportivas municipais do Concello da Coruña, ao acadar tres dos/as cinco delegados/as que se elixían, mentres que UGT e CCOO conseguiron un representante.

A federación de Servizos da CIG da Coruña denuncia as represalias que están a sufrir por parte da empresa algúns dos traballadores/as que participaron o ano pasado na folga de instalacións deportivas. O sindicato nacionalista sostén que Sidecu, a compañía encargada da xestión do polideportivo de San Diego e das piscinas de Oleiros e Perillo, entre outras, está a someter o persoal a unha presión continua e nas últimas semanas levou a cabo varios despedimentos, o último deles improcedente.

A Federación de Servizos da CIG de Ferrol vén de comunicar que está a tomar as medidas oportunas para aclarar o accidente laboral que tivo lugar o pasado venres nunha piscina de Narón e evitar que un suceso deste tipo se volva repetir. Dende a central trasladaron o apoio a monitora afectada e solicitouse ao Concello e á empresa que solucionen as irregularidades que poidan existir nas instalacións.

A CIG rexeita a detención do sindicalista da Federación de Servizos, Adolfo Naya, quen esta tarde foi retido de xeito ilegal durante dúas horas na comisaría de policía onde foi fichado por un suposto delito de coaccións que tería acontecido durante a folga de instalacións deportivas. Ao igual que aconteceu a pasada semana, un membro da CIG volve ser obxecto de persecución inxustificada, afondando o proceso de criminalización contra a central sindical por terse destacado na defensa dos dereitos da clase traballadora galega.