O 13 de marzo do 2011 mentres o nacionalismo sindical e político se manifestaba conxuntamente en Santiago para defender a existencia dunha Caixa de Aforros Pública e Galega, o Presidente da Xunta de Galicia puña en marcha a operación “Castellano”. Situaba ao fronte a José María Castellano nunha operación destinada a pilotar o proceso de privatización e venda da entidade. Hoxe cando o Partido Popular prepara un novo proceso de concentración e centralización do poder financeiro, e polo tanto económico e político, a operación auspiciada por Alberte Nuñez Feijoo demostrou estar orientada ao desmantelamento da Entidade, tal e como denunciamos dende o primeiro momento.

Delegados e delegadas da CIG no Banco Pastor realizaron esta mércores unha concentración na oficina principal da Coruña para denunciar os custes laborais que está tendo o proceso de absorción do Banco Pastor polo Banco Popular. Dende a Sección Sindical criticouse a “liquidación a prezos de saldo” que o Banco Pastor está a facer do seu cadro de persoal e demandáronse solucións que garantan o mantemento dos empregos en Galiza tanto no banco como nas empresas do seu Grupo.

Na mañá deste mércores comezaron en Madrid as reunións entre as organizacións sindicais e os representantes do Banco Pastor e o Banco Popular de cara a abordar as consecuencias laborais do proceso de absorción. Dende a CIG reivindicouse a necesidade de negociar un protocolo que garanta o emprego, así como un plan de prexubilacións para afrontar do xeito menos traumático os posíbeis axustes de persoal.

A CIG reclámalle á dirección do Banco Popular que convoque aos sindicatos a unha xuntanza para abordar as consecuencias laborais do proceso de absorción do Banco Pastor. A central nacionalista critica que a reunión celebrada hoxe en Madrid cos responsábeis de recursos humanos das dúas entidades só servise para intercambiar información xa que foi concibida como un “foro de comunicación” e carecía da potestade de tomar decisións. Diante disto, solicitan a convocatoria dunha nova cita onde se comece a negociar o protocolo de absorción.

A pesares de que a CIG solicitou aos presidentes dos bancos Pastor e Popular a apertura de negociacións do proceso de absorción, parece que os responsábeis de recursos humanos do Banco Popular (co consentimento do Banco Pastor) decidiron saltarse o proceso negociador e iniciar unilateralmente un período de entrevistas individualizadas a todo o persoal do Pastor, co fin de coñecer as súas perspectivas de futuro na nova entidade.

Á espera dunha confirmación oficial por parte da dirección do Banco Pastor, que a CIG intentou obter hoxe sen éxito, e malia onte non recibir ningunha información ao respecto na xuntanza mantida entre as organizacións sindicais e a dirección da entidade, a Confederación Intersindical Galega valora a posíbel absorción ou compra do Banco Pastor por parte do Grupo Popular como unha noticia negativa para Galiza.

O vindeiro 27 de novembro a CIG será recibida polo presidente da Xunta de Galicia para coñecer a posición da central respecto das posíbeis fusións das caixas de aforro galegas. Porén,dadas as informacións publicadas en diversos xornais, a decisión semella estar tomada coa connivencia do PSOE, do PP e de CCOO. Diante destas noticias, que sinalan que Caixa Galicia estaría en disposición de fusionarse con Caja Madrid, a CIG exixe unha inmediata explicación pública.