A CIG-Saúde vén de gañar as eleccións sindicais celebradas o martes 26 de febreiro no Hospital Xeral “Juan Cardona” en Caranza (Ferrol). Dos 13 membros do Comité que se elixían (7 no colexio de Técnicos e Administrativos e 6 no colexio de Especialistas e Non cualificados), a central nacionalista obtivo 5 representantes.

A CIG-Metal volveu gañar as eleccións sindicais na empresa Supervisión y Control (concesionaria da Inspección Técnica de Vehículos), celebradas o pasado venres 11 de Xaneiro na ITV de Ourense, situada no Parque Empresarial do Pereiro de Aguiar.

A Confederación Intersindical Galega vén de gañar as eleccións sindicais en Masa Galicia S.A., celebradas o martes 8 de xaneiro. A central nacionalista obtivo 52 votos, conseguindo cinco dos nove representantes que integrarán o Comité de empresa. Pola súa banda, CCOO obtivo tres delegados, mentres que UGT ficou só con un representante no Comité.

O pasado mércores, tras unha longa xornada de votación, a CIG foi elixida, de novo, polo persoal de Bosch Vigo como o sindicato maioritario no Comité de Empresa. Do total de membros que conforman o Comité, 23 delegados/as, a CIG obtén 12; CCOO, 7 e UGT, 4.

O pasado venres, día 3 de agosto, celebrábanse as eleccións sindicais na metalúrxica Celsa Atlantic S.L, de Laracha. A empresa, co seu decido apoio a CCOO, impedía a presentación de candidatura da CIG no colexio de Técnicos e Administrativos. Malia iso, a central sindical presentaba candidatura no colexio de Especialistas, conseguía 87 votos e cinco delegados/as, o que supón a maioría absoluta no comité de empresa.

Nas eleccións celebradas o 24 de Xullo (véspera do día da Patria) as traballadoras e traballadores de EGATEL decidiron depositar toda a súa confianza no sindicalismo nacionalista, e apoiar só unha candidatura da CIG nas primeiras eleccións sindicais que se celebran na empresa.

O persoal do Consorcio Galego de Igualdade e Benestar avalou hoxe o traballo sindical desenvolto pola CIG nestes últimos catro anos. Segundo os dados provisionais a CIG acadou 26 delegados/as dun total de 47.  A CIG valora moi positivamente os resultados obtidos e considera que supoñen un respaldo ao traballo desenvolto neste catro anos, dirixido fundamentalmente á defensa da consolidación dos postos de traballo, a evitar a privatización dos centros que dependen do Consorcio e a integrar aos/as traballadores/as no V Convenio de Laborais da Xunta de Galiza.