eleccións sindicais

CIG-Saúde gaña as eleccións sindicais no Hospital Xeral "Juan Cardona" de Ferrol

begonha.carballo — Wed, 27 Feb 2013 10:15:04 +0100

O resultado das eleccións foi como segue:

- CIG-Saúde: 5 delegados/as (3 en técnicos e 2 en especialistas).

- UGT: 4 delegados/as (3 en técnicos e 1 en especialistas).

- USTG: 2 delegados/as (1 en técnicos e 1 en especialistas).

- CC.OO: 2 delegados/as (2 en especialistas).

Dende a Federación de Saúde en Ferrol subliñaron a alta participación do persoal do centro hospitalario nestas eleccións, acadándose unha participación do 60,25% no colexio de técnicos (97 votos dun censo de 161); e do 80% no colexio de especialistas (120 votos dun censo de 150). Sendo a participación media total do 69,80% (217 votos dun censo total de 311).

A xornada electoral celebrouse sen ningunha incidencia e dende CIG-Saúde quixeron agradecer a todo o persoal “que participou democraticamente na elección dos compañeiros e compañeiras que os representarán no Comité de Empresa”, destacando que a central nacionalista continuará na loita polos dereitos de todos os traballadores e traballadoras.

A CIG gaña as eleccións sindicais na ITV de Ourense, a pesar da aposta da empresa polos sindicatos españois

begonha.carballo — Wed, 23 Jan 2013 14:31:10 +0100

“A pesar de que a empresa, como agradecemento aos sindicatos estatais pola sinatura do acordo de empresa, apostou claramente por CCOO e UGT, as traballadoras e traballadores da empresa apoiaron os dous candidatos que se presentaron pola CIG, que volveron saír reelixidos”, explica Xosé Lois Freire, Secretario da CIG-Metal de Ourense. O terceiro delegado elixido saíu por UGT.

A Federación do Metal da CIG en Ourense, valora positivamente o apoio mostrado polos traballadores/as a acción sindical realizada pola CIG, e comprometeuse a seguir loitando pola mellora das condicións, tanto económicas como sociais de todo o cadro de persoal da empresa.

A CIG gaña as eleccións sindicais en Masa Galicia e obtén cinco dos nove membros do Comité

begonha.carballo — Thu, 10 Jan 2013 16:31:31 +0100

A CIG conseguiu cinco dos oito representantes en xogo polo Colexio de Especialistas, xa que no de Técnicos e Administrativos (nos que se elixía un delegado) non presentou candidatura.

Os resultados das eleccións son os que seguen:

	CIG		CCOO		UGT
	Votos	Delegados	Votos	Delegados	Votos	Delegados
Colexio Especialistas	52	5	17	2	12	1
Colexio Técnicos	-	0	7	1	5	0
Total Delegados	5		3		1

Dende a CIG-Metal da Coruña valoraron estas eleccións como o resultado da dura loita sindical e o intenso traballo diario realizado en Masa Galicia (dedicada ao mantemento e limpeza das centrais de Meirama, Sabón e As Pontes) nos últimos anos.

Un traballo, explican, grazas ao que se conseguiu, entre outra melloras, que o persoal obtivera unhas indemnizacións dignas tras o peche da mina de Meirama, que se lle recoñezan os coeficientes redutores da minaría e, a base de recorrer aos xulgados ante a negativa da administración e a empresa, que se mudase aos traballadores/as do réxime xeral ao réxime especial de cotización da minaría.

A CIG-Metal agradece a confianza depositada polos traballadores/as nestas eleccións sindicais, reafírmase a continuar na liña de traballo desenvolvida até o momento e comprométese a seguir loitando pola defensa do emprego e dos dereitos laborais.

A CIG revalida a maioría absoluta no Comité de Bosch

paula.castro — Fri, 02 Nov 2012 10:34:16 +0100

A CIG lembra que ter un contrato temporal, nomeadamente de ETT, implica ter menos dereitos e que cando nas eleccións do ano 2008 obtivo a maioría do Comité, a situación era insostíbel, xa que só 1 de cada 10 tiña un contrato estable.

Comezou así unha dura loita e aínda no mes de setembro unha ETT, Ader, denunciou a 4 delegados/as da CIG en Bosch, para os que pedía nada menos que tres anos de cárcere. “Fomos teimudos, e conseguimos que Bosch negociase por primeira vez os pases a indefinidos/as e os pases de ETT a empresa”, afirman.

A sección sindical reafírmase nesta liña de traballo e comprométese a seguir loitando pola defensa do emprego e dos dereitos laborais. Alén diso, agradece a confianza depositada por todas aquelas persoas que apostaron, nestas eleccións sindicais pola CIG.

A CIG obtén a maioría absoluta nas eleccións sindicais de Celsa Atlantic S.L, con cinco delegados/as dun total de nove

paula.castro — Mon, 06 Aug 2012 14:51:19 +0200

Indalecio López Ruíz, secretario da Unión Local da CIG de Carballo, avalía moi positivamente estes resultados porque amosan o apoio dunha grande maioría de operarios/as ao traballo sindical desenvolvido pola central sindical durante estes anos. Tal é así, que malia presentarse unicamente a candidatura de CCOO ao Colexio de Técnicos e Administrativos, só participaron nese proceso 17 dos 38 traballadores/as, sete deles, ademais, para emitir unha papeleta en branco.

Porén, para o Colexio de Especialistas concorreron tanto a candidatura da CIG como a de CCOO, co resultado de 87 votos a favor da presentada pola CIG, que obtivo así 5 delegados/as, e 29 votos para CCOO, que obtivo 2.

“O persoal de Celsa Atlantic S.L. manifesta, con estes resultados, o seu claro respaldo á candidatura da CIG e á súa liña sindical e faino a pesar dos impedimentos da empresa”, afirma López Ruíz, quen lembra que as persoas que compoñían a candidatura presentada pola central sindical “foron referendadas previamente en asemblea polas traballadoras e traballadores que nos deron logo o seu apoio maioritario”.

A CIG gaña as eleccións sindicais en EGATEL S.L.

paula.castro — Thu, 26 Jul 2012 17:14:46 +0200

A Federación do Metal da CIG en Ourense amosa a súa satisfacción polo resultado acadado nas primeiras Eleccións Sindicais que se celebran nesta importante empresa do Parque Tecnolóxico de Galiza, especializada en investigación, desenvolvemento e fabricación de produtos e sistemas de radio e de televisión, tanto en formato analóxico como dixital. Esta empresa ten un numero considerábel de traballadoras e traballadores no departamento de I+D.

As traballadoras e traballadores da empresa, antes de decidirse a apostar pola CIG, quixeron escoitar a outras centrais sindicais. Aínda así, dos 66 traballadoras e traballadores que conforman o 100% do cadro de persoal, participaron no proceso 54 (81,81%), e 49 (74,24%) apoiaron a candidatura da CIG.

A CIG gaña as eleccións sindicais con maioría absoluta no Consorcio Galego de Igualdade e Benestar

paula.castro — Fri, 29 Jun 2012 18:23:59 +0200

En Lugo non se celebraron eleccións por non ter rematado o período para o que foron elexidos os delegados/as. A CIG ten a representación de todos/as delegados/as sindicais, 4 de técnicos e administrativos e 1 de especialistas non cualificados. É dicir, despois das eleccións realizadas hoxe, a CIG acada 31 de 52 delegados/as, o 60% da representación sindical.

Nestas eleccións estaban chamados a participar un total de 1429 electores dos diferentes centros de traballo que dependen do Consorcio Galego de Igualdade e Benestar, Escolas Infantís, Centros de día, Quérote e centros de I+B.

A distribución de delegados/as é a que segue:

	A Coruña		Ourense		Pontevedra		Total
	TA	ENC	TA	ENC	TA	ENC	Total TA	Total ENC	TOTAL
CIG	8	3	3	1	9	2	20	6	26
CCOO	2	0	3	2	1	1	6	3	9
UGT	1	1	1	0	0	1	2	2	4
CSIF	2	0	2	1	3	0	7	1	8
NºDelegados	13	4	9	4	13	4	35	12	47

TA: Técnicos e Administrativos

ENC: Especialistas non Cualificados