As traballadoras e traballadores da Federación de Químicas, Enerxía, Mineiría e Artes Gráficas da Confederación Intersindical Galega (CIG) esixen do Goberno e do capital financeiro de México a liberación dos sindicalistas detidos C. Carlos Pavón Campos e Juan Linares Montufar.

A Federación de Químicas e Enerxía da CIG, integrada na Federación Sindical Mundial, remitiu unha carta de apoio as demandas dos 150 mestres de colexios técnicos despedidos en México por sindicalizárense e esixiren os seus dereitos laborais.

CIG-Químicas lamenta o despedimento de catro dirixentes sindicais ecuatorianos que cuestionaron a xestión do ministro de Minas e Petróleo. Abelardo Landeira, secretario nacional da CIG-Químicas, remitiu cartas denunciando os feitos ao presidente do Ecuador, a demais autoridades do país, á UIS-TE, a diversos sindicatos de clase do mundo e á FSM.

A CIG-Químicas e Enerxía amosou o seu apoio ao Gran Paro Nacional convocado o 9 de xullo en Perú pola CGTP e a Coordinadora Político Social en contra das políticas neoliberais e represivas emprendidas polo Goberno de Alan García. A CIG-Químicas remitiu a súa mensaxe solidaria ás organizacións convocantes da folga e á Federación Sindical Mundial. Tamén lle trasladou a misiva ao propio Goberno peruano.

A federación de Químicas da CIG vén de remitir un comunicado no que acusa á Xunta de Galiza de non dicir a verdade ao asegurar que un cambio de trazado do TAV ao seu paso por Serrabal provocaría un atraso adicional das obras. Abelardo Landeira, secretario nacional da federación considera que detrás da negativa a sequera valoralo agóchanse outro interes. Reproducimos, a continuación, o comunicado.

A CIG – Químicas e Enerxía, a través do seu secretario nacional, Abelardo Landeira, remitiu unha carta ao resto de sindicatos afiliados á UIS - Enerxía da Federación Sindical Mundial (FSM) na que expresa a solidariedade con Guadalupe Hilario e outros/as activistas campesiños e indíxenas do Perú, encarcerados polo goberno neoliberal de Alan García.

Abelardo Landeira, secretario nacional da Federación de Químicas e Enerxía da CIG, interveu no Seminario Internacional do Dereito á Enerxía, que estes días se celebra en Compostela. De seguido reproducimos o relatorio que presentou na mesa de traballo titulada "A enerxía, a sustentabilidade e os aspectos sociais".