A CIG de TRALUSA (empresa adxudicataria do transporte urbano de Compostela) denuncia que a reestruturación das liñas do transporte urbano vai favorecer a amortización de 5 cinco postos de traballo. Os representantes da central sindical denuncian tamén que esta reestruturación supón a ampliación dos traxectos, en varias das liñas, sen que se modifiquen as frecuencias, o que imposibilita, na práctica, o cumprimento das mesmas. Para a CIG é inadmisíbel que, para cumprir os horarios, se lle estea requirindo aos traballadores que fagan o que sexa necesario.

O Sector de Transportes da FGAMT-CIG vén de reiterar a necesidade de que os autobuses urbanos estean provistos dun sistema de climatización, logo de que o pasado sábado un condutor de Tranvías da Coruña tivese que ser evacuado ao hospital ao desmaiarse por un golpe de calor mentres manexaba o autobús.

A FGAMT-CIG quere manifestar o malestar pola propaganda e as inversións que a Concellaría de Mobilidade de A Coruña fixo para a instalación nos autobuses urbanos da chamada “onda verde”, mentres que o servizo de transporte continúa necesitando melloras básicas para a comodidade de condutores/as e usuarios/as.

A asemblea de traballadores/as de Tranvías do Ferrol, celebrada na noite do mércores, acordou desconvocar a xornada de folga prevista para mañá, venres 26 de novembro, xa que o goberno municipal atendeu á meirande parte das reivindicacións trasladadas polo persoal e as organizacións sindicais. Diante desta situación, os traballadores/as decidiron outorgar un voto de confianza ao Concello e suspender a folga.

A asemblea de traballadores e traballadoras de Tranvías de Ferrol acordou convocar unha xornada de folga o vindeiro 26 de novembro para esixir unha solución á “caótica situación” na que se atopa o servizo de autobuses e reclamar a elaboración da avaliación de riscos laborais que conleva o cambio permanente nas paradas por mor das obras na cidade. A folga desenvolverase entre ás 12 e ás 18:00 horas e afectará a todos os centros e a todo o persoal.

O Comité de Empresa de TRALUSA vén de denunciar a caótica situación na que se atopa o transporte público en Compostela. Caos do que os traballadores desta contrata din non ter responsabilidade algunha afirmando que son “unhas vítimas máis”, por mor da falta de previsión na contratación de persoal de reforzo para garantir un servizo público de calidade.

Os traballadores e as traballadoras do transporte urbano de Ferrol advertiron do inicio de mobilizacións se o Concello non atalla o “caos” circulatorio na cidade que está a imposibilitar o normal funcionamento do servizo. Ademais, dende o Comité de Tranvías do Ferrol denúnciase que o goberno local en troques de adoptar medidas dedícase a perseguir aos condutores dos autobuses e a imporlles sancións absurdas por dificultar a circulación.