A asemblea de traballadoras da limpeza do Hospital Virxe da Xunqueira de Cee acordou suspender a convocatoria de folga indefinida, mais manterá o calendario de concentracións previstas. Esta decisión chegou logo de coñecérense os servizos mínimos impostos pola administración (publicados no DOG do venres) e que practicamente supoñen manter o 100% da actividade, imposibilitando deste xeito o desenvolvemento da folga.

Logo dun longo proceso de negociación, iniciado en marzo de 2010, e que incluso levou consigo mobilizacións por parte das traballadoras e traballadores de limpeza do Hospital da Costa, na tarde do xoves 24 de novembro asinábase o novo Convenio coa empresa Samyl, S.L., concesionario do servizo, no que se recoñece a equiparación da xornada laboral destes traballadores/as co persoal do Grupo E do Sergas.

O colectivo de traballadoras/es do servizo de limpeza do Hospital Virxe da Xunqueira de Cee, na asemblea celebrada este mércores, acordou por unanimidade seguir coas mobilizacións semanais que veñen realizando dende o mes de xullo e iniciar, ademais, un calendario de paros de dous días á semana durante todo o mes de novembro. Coas protestas, as traballadoras/es reivindican o seu dereito á equiparación laboral co Grupo E do Sergas, mediante a sinatura dun convenio de centro, tal e como acontece no resto dos hospitais galegos.

Este luns 3 de outubro as traballadoras e os traballadores de limpeza do Hospital da Costa de Burela iniciaban o calendario de mobilizacións diarias que van desenvolver en demanda dun novo convenio que recolla a equiparación da xornada laboral coa do Grupo E do Sergas, tal e como xa acontece co resto do persoal de limpeza dos hospitais de Galiza.

As traballadoras/es de limpeza do Hospital da Costa de Burela acordaron retomar as mobilizacións iniciadas hai xa un ano en demanda da negociación dun novo convenio. O persoal realizará concentracións diarias na entrada do hospital a partir do 3 de outubro en contra da decisión de Samyl de non respectar os acordos acadados e negar a equiparación total deste persoal co Grupo E do Sergas.

As traballadoras e traballadores do servizo de limpeza no Hospital da Costa concentráronse hoxe por espazo de media hora no vestíbulo do hospital para para reclamar de SAMYL.SL, empresa adxudicataria do servizo neste centro, a sinatura dun novo convenio que recolla a equiparación de xornada co Grupo E do Sergas.

A FGAMT-CIG denunciou publicamente hoxe a postura irresponsábel que ten asumido o Sergas diante do conflito que se está a vivir en Ambulancias Emersan, xa que é o propio Servizo Galego de Saúde quen impide a resolución do mesmo, ao vetar a readmisión do traballador despedido.