O persoal do CHUS segue a reclamar a aplicación dos criterios de igualdade, mérito e capacidade para o acceso ás prazas e que estas non sexan designadas “a dedo”, de forma arbitraria, por parte da xerencia ou dirección de enfermería. Por iso volveu a concentrarse esta mañá diante do edificio do Sergas e anuncia que valorará unha inminente convocatoria de folga nos quirófanos a fin de seguir coas mobilizacións.

A CIG-Saúde considera que o peche de camas durante o verán non ten xustificación posible. Afirma que nin o fan por mellorar a eficiencia do sistema, nin moito menos pensando nas necesidades das/os traballadoras/es. Denuncia ademais que non se trata dun problema provocado polas vacacións do persoal e reclama que se bote man das listaxes de persoal para facer as substitucións que sexan necesarias.

CIG-Saúde denuncia que as traballadoras e traballadores do Centro de Transfusión de Galiza están a recibir unha comunicación da dirección da fundación pola que se lles comunica a suspensión do acordo de equiparación salarial 2004-2006 coa consecuente eliminación das súas nóminas das cantidades correspondentes a este concepto. A central sindical considera que esta decisión é consecuencia da mala xestión da fundación e vén de presentar no rexistrou n escrito dirixido á conselleira de Sanidade, Beatriz Mosquera, mo que reclama do Sergas que paralice este recorte salarial.

A Área Pública da CIG (Administración, Saúde e Ensino) vén de presentar máis de 200 alegacións ao Anteproxecto de Lei do Emprego Público de Galiza. Un anteproxecto que a central nacionalista rexeita na súa totalidade, por non ser máis que unha recompilación dos recortes na Función Pública e os Servizos Públicos aplicados polo Goberno do PP nos últimos anos, que ademais introduce novos recortes de dereitos e afianza o control, a centralización e a uniformización a todas as administracións galegas, facilitando así a reorganización, eliminación ou modificación das mesmas ao arbitrio do político de quenda á fronte de cada unha das unidades administrativas.

A Xunta de Persoal da Xerencia de Atención Integrada da Coruña vén de reclamar a cobertura inmediata da praza de xinecoloxía do COF do Ventorrillo, xa que logo de transcorridos tres meses o Sergas continúa sen atender as demandas do persoal sanitario e a cidadanía a este respecto. O Centro de Orientación Familiar permanece sen xinecólogo/a, logo de que o especialista que atendía o servizo se xubilase e o Sergas decidise non cubrir a praza e remitir as usuarias/os á o COF de Orillamar. Medida que suscitou a convocatoria de varias mobilizacións.

A Xunta de Persoal da Área Sanitaria da Mariña expresou o seu enérxico rexeitamento ao nacemento do Decreto de Área Sanitaria da provincia de Lugo publicado polo Goberno de Alberto Núñez Feijoo, e “que sentencia a morte á Sanidade da cidadanía da Mariña”. Unha decisión política que, advirten, centralizará as especialidades en Lugo, provocará o peche de servizos do Hospital da Costa e a destrución de emprego sanitario, "desmantelando pouco a pouco a carteira de servizos e obrigando a cidadanía a desprazarse a 100km para acudir ao/á médico/a especialista e para todas aquelas intervencións cirúrxicas non urxentes".

A CIG-Saúde vén de remitir un escrito á xerenta do Servizo Galego de Saúde para solicitar que as 15 prazas de capeláns que prestan os seus servizos nos hospitais da rede pública e que non están cubertas sexan convertidas en prazas estruturais de persoal estatutario, xa que están orzamentadas no cadro de persoal do SERGAS do ano 2013.