A crise, que Galiza padece con especial virulencia, está a provocar que as diferenzas de renda existentes entre a clase asalariada se agudicen, chegando a ser “escandalosas”. Así se recolle no traballo realizado por Natividade López Gromaz, responsábel do Gabinete Técnico de Economía, a partir dos últimos datos feitos públicos pola Axencia Tributaria, correspondentes ao ano 2010. Destes datos tírase ademais que a mocidade é a máis prexudicada, porque alén de baixos salarios, soporta unhas taxas de paro intolerábeis e contratos de escasa duración. Reproducimos, de seguido, esta análise.

A reforma do artigo 135 da Constitución para fixar a “estabilidade orzamentaria” por mandato constitucional puxo en primeiro plano do debate cuestións marcroeconómicas como o déficit ou a débeda pública. Para entender a complexidade do tema, Natividade López Gromaz, economista do Gabinete Técnico de Economía da CIG elaborou un minucioso traballo no que se explica como funcionan un e outra e onde se recollen unha serie de propostas para enfrontar o déficit público sen recortar prestacións e servizos públicos.

O 25% das persoas asalariadas en Galiza cobran igual ou menos que o Salario Mínimo Interprofesional (SMI) e, en conxunto, apenas perciben o 5,6 % da masa salarial total. Pola contra, hai un 0,6% de persoas asalariadas que perciben máis de 10 veces o SMI e que acaparan o 4% do total da masa salarial. Os datos que se desprenden do traballo “As desigualdades sociais en Galiza”, presentado pola CIG, son “demoledores” e deles tírase que hai un grupo moi reducido de persoas, que posibelmente non chegue ao 1% da poboación galega, que acapara en torno ao 25-30% do PIB.

A CIG vén de presentar a campaña que baixo o lema “Non á explotación xuvenil! Emprego digno para a mocidade!, acordou pór en marcha para chamar á mobilización dos mozos e mozas da central sindical, para que participen nos actos previos á folga xeral e se sumen a convocatoria do 29 de setembro. Margarida Corral, secretaria confederal de Muller e Mocidade advertiu da especial incidencia que terá a reforma laboral para este colectivo que atravesa unha dura situación laboral e socioeconómica, tal e como constata o informe “Mocidade e Emprego”, elaborado polo Gabinete Técnico de Economía.

O Gabinete de Economía da CIG vén de realizar un estudo pormenorizado da evolución do paro rexistrado no ano 2009. Dos datos tírase que os efectos da crise económica no mercado de traballo galego acusáronse con especial virulencia durante o ano 2009. Neste período, segundo afirma Natividade López Gromaz, economista da CIG e responsábel deste informe, eses datos “acadaron valores negativos históricos; practicamente mantívose o desemprego por encima dos 200.000 parados en todos os meses do ano”.