Miles de persoas manifestáronse na tarde deste venres en contra do expediente de regulación de emprego presentado por Alcoa Inespal e contra a deslocalización da produción da planta da Coruña. A marcha, convocada polo Comité de empresa, contou coa participación de traballadores e traballadoras das fábricas que a multinacional ten en San Cibrao e Avilés, así como tamén estivo o Secretario Xeral da CIG, o Secretario Nacional da CIG-Metal e membros da executiva federal.

Os traballadores e traballadoras da factoría que Alcoa ten na Coruña continuaron este xoves co calendario de mobilizacións en contra do expediente de regulación que a multinacional quere pór en marcha logo de acordar unha recorte da produción na factoría do 50%. O ERE de suspensión temporal, de aprobarse, afectaría á metade dos 420 traballadores/as da planta e tería unha vixencia de 12 meses.

A CIG convoca concentracións solidarias coincidindo cos xuízos contra dous compañeiros da federación de Servizos. Os actos de apoio terán lugar o vindeiro mércores 18 de xaneiro diante dos xulgados da Coruña e Pontevedra unha hora antes do inicio das sesións, fixadas para as 11.00 e 12.00 horas respectivamente. A central nacionalista vén de poñer en marcha unha campaña baixo o lema “Defendérmonos como clase é un dereito, non un delito” coa que se pretende denunciar a represión policial e xudicial que sofren moitos e moitas militantes pola súa actividade sindical.

Os representantes da CIG en Alcoa A Coruña manifestan o seu absoluto rexeitamento ás pretensión da multinacional do aluminio de aplicar un expediente de regulación de emprego temporal na factoría coruñesa e de Avilés, xa que entenden que un ERE carece de xustificación e o único que pretende a compañía con esta medida é avanzar no proceso de desmantelamento e deslocalización da produción cara a outros países.

Os traballadores e traballadoras da Torre de Hércules levaron esta mañá o seu particular agasallo de reis aos membros do goberno municipal da Coruña: tres sacos de carbón, que remitiron ao alcalde, ao primeiro tenente de alcalde e á concelleira de Emprego e Turismo, en protesta pola decisión de pechar o faro e a ausencia de garantías sobre o seu futuro laboral.

Delegados e delegadas da CIG desenvolveron esta mañá unha nova protesta en contra da persecución e acoso que Gadis está a realizar contra un membro do Comité provincial da Coruña e afiliado á central nacionalista. A empresa de distribución impuxo unha sanción por falta moi grave a este delegado, logo de negarse a realizar a descarga dun camión estacionado no medio da rúa que rodea a Praza de Lugo, e por onde circulan os vehículos.

Máis do 90% dos estabelecementos do centro comercial Catro Camiños (na Coruña) pecharon o xoves as súas portas durante a folga convocada polas organizacións sindicais contra a ampliación do horario de apertura. De feito, agás C&A, todas as tendas do Grupo Inditex, Cortefield e unha parte importante do pequeno comercio secundaron o paro que se realizou entre as 21 e as 22 horas.