A cobertura realizada da anterior folga do 29-S, daquela coa concorrencia de CCOO e UGT, así como a nula repercusión mediática do anuncio de folga xeral en solitario por parte do sindicalismo nacionalista e de clase, xa facían presaxiar os titulares e “crónicas” que se publicarían após a folga do 27 de xaneiro. Todo apuntaba, pois, a un novo episodio de deliberada distorsión da realidade, cando non de intencionada manipulación, para invisibilizar a CIG e cualificar de fracaso a súa convocatoria.

A Confederación Intersindical Galega vén de poñer en marcha unha nova páxina web con toda a información referente á convocatoria de folga xeral do 27 de xaneiro, ademais de incluír un repaso ás mobilizacións máis importantes organizadas pola central no contexto da crise económica. Nela, o sindicato nacionalista pon a disposición das persoas interesadas o material necesario para entender a actual ofensiva do capital contra a clase obreira e desmontar os falsos argumentos que están detrás da perda de dereitos laborais e sociais.

A Confederación Intersindical Galega celebrou o 10 de Marzo, Día da Clase Obreira Galega, con manifestacións en toda Galiza en defensa do emprego, dos salarios e das pensións, ameazados hoxe como consecuencia da crise económica e das políticas neoliberais que se están a promover desde os gobernos. Arredor de 20.000 persoas manifestáronse coa CIG, nas sete cidades, baixo o lema "O emprego, os salarios e as pensións deféndense loitando".

A Dirección comarcal da CIG de Vigo decidiu levar adiante nos próximos meses unha campaña contra as medidas antisociais do goberno (reforma laboral, pensionazo, contra a crise económica e os seus efectos negativos para os traballadores/as e o emprego como os ERE's ou vias concursais).