Este mércores 17 de novembro a partir das 10.00 horas comeza en Vigo o xuízo contra un afiliado da CIG e oito persoas máis acusadas dun presunto delito de danos e outro contra os dereitos dos traballadores/as durante a súa participación na folga do transporte de mercadorías por estrada de Pontevedra en 2008. A petición fiscal eleva a tres anos a pena de cadea e propón unha sanción económica de 10 meses a razón de seis euros diarios e outra de 12 meses coa mesma cantidade. Dende a federación de Transportes da CIG consideran que se trata de un novo intento de amedrentar a clase traballadora máis reivindicativa.

Ás 00:00 horas deste martes daba comezo a folga convocada en Ambulancias Calvo Chantada para esixir a readmisión dun traballador afiliado á CIG, despedido por reclamar o que legalmente lle corresponde, e denunciar a represión laboral e os reiterados incumprimentos do convenio que padece o persoal desta empresa. A FGAMT-CIG de Lugo xa anunciou que vai impugnar os servizos mínimos estabelecidos, xa que abranguen o 100% do transporte sanitario urxente e unha parte moi significativa do non urxente, desvirtuándo deste xeito a convocatoria da folga.

O sector de Transporte da CIG denunciou esta mañá publicamente a tentativa criminal contra o delegado sindical da central en Ambulancias do Eume ao que hai unhas semanas lle manipularon á roda do seu vehículo particular coa intención clara de provocarlle un accidente. Afortunadamente o delegado non sufriu danos, pero tres mecánicos confirmaron que as torcas do coche foran afrouxadas dun xeito intencionado. Os feitos xa foron postos en coñecemento da Garda Civil, que está a realizar investigacións.

O xuízo previsto para a mañá do 17 de setembro na sala do Social de Ferrol polo despedimento dun traballador de Rialsa-Monbus, afiliado da CIG, quedou finalmente suspendido ao non comparecer unha das testemuñas, neste caso o responsábel da empresa no zona.

Os habitantes da comarca de Bergantiños cada vez teñen menos posibilidades de realizar os seus desprazamentos no transporte colectivo. O Grupo Vázquez, principalmente, e Aucasa reduciron drasticamente os servizos de buses na bisbarra desde que se produciu a segregación de liñas da compañía Arriva, anterior concesionaria do transporte de viaxeiros na zona.

A CIG-Transporte fixo un chamamento á Xunta de Galiza para que introduza os cambios legais necesarios para obrigar as empresas a utilizar o disco tacógrafo no transporte escolar, pois na actualidade non existe mecanismo algún para controlar as horas ao volante dos choferes que traballan neste servizo.

Tres dias de mobilización, piquetes e un serio problema para a actividade industrial de Vigo son o resumo desta etapa da folga dos asalariados do sector do transporte de mercadorías na provincia de Pontevedra. Despois de moitos anos sen movemento nin loita pola negociación colectiva, está foi a primeira mostra de combate dun colectivo que non se resigna a ter o pior cuarto convenio do seu gremio en todo o Estado.