Delegadas e delegados da CIG-Ensino, e outras organizacións sindicais do ensino público celebraron este mércores unha nova concentración, diante da Consellaría de Educación, en Santiago de Compostela, para esixirlle ao Goberno galego que non aplique ningunha das medidas recollidas no RD Lei 14/2012 e que o recorra ante os tribunais. Co ánimo de frear os recortes, a Plataforma Galega en Defensa do Ensino Público xa convocou concentracións comarcais para o próximo mércores, 8 de maio, pola tarde e iniciará peches rotatorios nos centros o 14 de maio, entre outras accións.

As organización sindicais do ensino público celebrarán o próximo mércores 2 de Maio unha concentración de delegados e delegadas diante da Consellería de Educación, en San Caetano, para denunciar as medidas de recorte aprobadas polo goberno do Partido Popular e demandar da consellaría de Educación que non as aplique en Galiza.

Na reunión da Mesa Sectorial Docente Non Universitaria celebrada este xoves en  Santiago a CIG-Ensino esixiulle á Consellería de Educación que exerza as competencias que lle corresponde e en consecuencia que non aplique en Galiza o Real Decreto 14/2012. A CIG-Ensino intentou sacarlle ao conselleiro, Jesús  Vázquez, o compromiso de non executar máis recortes e lle trasladou que por dignidade e responsabilidade non lle queda  máis remedio que recorrer o Real Decreto por vulnerar as competencias en materia educativa da Xunta de Galiza.

O Boletín Oficial do Estado publica hoxe o Real Decreto Lei de medidas urxentes en materia de sanidade. CIG-Saúde denuncia que desde o goberno de Madrid se impoñen así, toda unha serie de medidas sobre materias que “son de competencia exclusiva da Xunta de Galiza” e que esas medidas van moito máis alá das anunciadas tras da xuntanza do Consello Interterritorial de Saúde do pasado 18 de abril, estabelecendo xa unha carteira de servizos comúns básicos e, ademais do copago farmacéutico, o copago sanitario para a prestación dalgúns servizos que non son considerados como tal.

A CIG presentará a primeira hora deste martes, 27 de marzo, para a súa tramitación polo procedemento especial de protección de dereitos fundamentais, un contencioso administrativo contra o decreto de servizos mínimos ditados pola Consellaría de Presidencia, Administracións Públicas e Xustiza da Xunta de Galiza, publicado hoxe no DOG. A central sindical considera que os servizos mínimos estabelecidos para a folga xeral convocada para o día 29 de marzo resultan abusivos e contrarios ao dereito fundamental de folga que recoñece o artigo 28.1 da Constitución.

A CIG de Compostela manifesta o seu malestar pola decisión do concello de Santiago de “desestimar” a petición da central sindical de facer un enganche de luz e de utilizar a furgoneta de megafonía na manifestación das traballadoras/es, convocada para mañá sábado, día 25, ás 11:30 horas. A furgoneta, di o decreto emitido polo concelleiro de Mobilidade, Seguridade Cidadá e Tráfico, “poderá facer o percorrido polas rúas da nosa cidade, agás as rúas de uso peonil e as vías de circulación prohibida sinaladas no capítulo III da Ordenanza xeral Municipal e Uso de Vía pública”.

A Xunta de Galiza aprobou hoxe na Comisión de Persoal, co voto en contra da CIG e favorable de CCOO e CSIF, un decreto que trata de regular a contratación nos entes instrumentais e os procesos de integración. Para o sindicato nacionalista, este decreto supón outro engano do Goberno Feijóo, xa que lonxe de acabar ou regular os chamados 'chiringuitos', vai significar a súa consolidación ao permitir que as sociedades mercantís públicas e as fundacións poidan contratar persoal propio sen pasar por un proceso selectivo público.