Aos berros de “Palestina vencerá”, “o sionismo é terrorismo”, “onde están que non se ven as sanción a Israel”, máis de 15.000 persoas percorreron as rúas de Compostela para manifestar o seu rexeitamento á masacre que o goberno israelí está a levar a cabo contra o pobo palestino. A mobilización, convocada por máis de 80 organizacións e colectivos entre os que se atopa a CIG, recibiu a resposta masiva dos galegos e galegas que, unha vez máis, volveron amosar a súa solidariedade.

O vindeiro 18 de xaneiro, todos os galegos e as galegas teñen unha cita en Compostela para manifestar de nova a súa solidariedade co pobo palestino e amosar o total rexeitamento á masacre que o goberno de Israel está levando a cabo en Gaza. A mobilización, convocada por distintas organizacións entre as que se atopa a CIG, sairá da Alameda de Compostela ás 12:00 do mediodía.

O pasado sábado 10 de xaneiro, máis de cinco mil persoas percorreron as rúas de Vigo, nunha mobilización convocada por diversas organizacións, entre elas a CIG, para pedir o cese do masacre en Gaza e para expresar a solidariedade do pobo galego co palestino, o que para os convocantes supuxo un "rotundo éxito" que demostra a elevada sensibilidade do pobo galego con Palestina.

A Confederación Intersindical Galega manifesta o seu completo rexeitamento e repulsa contra destes actos criminais que provocaron –polo momento- a morte de 300 e feriron a máis de 1500 palestinos, e reclama un pronunciamento e sancións por parte das Nacións Unidas. Chama tamén ás institucións galegas a pronunciarse e ao conxunto da sociedade a manifestar a súa repulsa.

Organizacións sociais, fundacións e particulares veñen de asinar un manifesto “ante os terribles acontecementos actuais que contribúen a prolongar a desesperación da poboación palestina”, para demandar a Israel o cese do bloqueo, a renovación do diálogo e a negociación como vías para pacificar os Territorios Ocupados.