Arredor de 75.000 persoas participan no Foro Social Mundial que se está iniciando nas instalacións do Campus da universidade Al Manar na capital tunesina. Segundo os dados feitos públicos polo comité organizador, unhas 4.500 asociacións abarcando un amplísimo espectro de intereses sociais, medio ambientais, laborais... encherán as 1.200 actividades incluídas no programa oficial.

A Executiva Confederal da CIG fixo público un comunicado en solidariedade co pobo venezolano con motivo do falecemento do Presidente e Comandante da República Bolivariana de Venezuela, Hugo Rafael Chávez Frías.

“Negociación e  contratación colectiva” é o tema do Encontro Sindical que CGTP/IN, CIG e ELA están a realizar en Lisboa. Iniciado onte e con remate na tarde deste venres 22 de febreiro, o Encontro contou coa participación dos Secretarios Xerais das tres centrais sindicais, así como dos responsábeis das áreas de negociación colectiva e relacións internacionais. Por parte portuguesa participaron tamén dirixentes de catro federacións: industria, transportes e comunicacións, construción, e alimentación, turismo e hostalería.

Unha representación da CIG, composta polo Secretario Xeral, Suso Seixo e o responsábel de Relacións Internacionais, Moncho Boán, participou no XIII Congreso Confederal de ELA, que se celebrou os días 23 e 24 de xaneiro baixo o lema Lankidetu!, no pazo Euskalduna de Bilbao. Deste proceso saíu reelixido Secretario Xeral Adolfo Múñez Txiki, quen nas súas intervencións chamou á organización para enfrontar a maior ofensiva do capital vivida nas últimas décadas.

Organizacións sindicais de Galiza veñen de asinar un manifesto en apoio á campaña mundial de Boicot, Desinvestimentos e Sancións (BDS) a Israel, na que se denuncian as violacións dos Dereitos Humanos e do Dereito Internacional Humanitario que padece o pobo palestino. Trátase dunha iniciativa cívica que ten como obxectivo estabelecer medidas de presión contra Israel e evitar as relacións económicas, políticas e empresariais cun Estado que vulnera o Dereito Internacional e incumpre as resolucións da ONU.

A CIG de Compostela vén de acordar apoiar a concentración convocada para a tarde deste venres día 16 de novembro, ás 20:00 horas, na Praza do Toural, contra a masacre continuada do pobo palestino por parte de Israel. A CIG demanda que, dunha vez por todas, cesen os ataques sobre Gaza e que o Parlamento Galego exixa do Goberno español, da UE e da comunidade internacional a rotura de relacións co goberno xenocida.

Arredor de 400 delegadas e delegados  participaron no 7º Congreso da UGTSARIO, que baixo o lema “Resistencia – Liberación – Desenvolvemento” celebrouse os pasados días 21, 22 e 23 de outubro no campamento de refuxiados saharauís de Bojador, un dos cinco campamentos que os refuxiados teñen instalados nunha zona do deserto alxeriano fronteirizo co Sahara Occidental.