Os traballadores e as traballadoras dos servizos de limpeza dos Hospitais Abente y Lago, Marítimo de Oza, Lavandería de A Grela e Centro de Especialidades de O Ventorrillo continuaron este mércores coas mobilizacións para esixir a aplicación dos convenios colectivos, algún deles asinado hai case catro anos, que os equiparan ao persoal adscrito ao Grupo E do Sergas, pero que as empresas adxudicatarias da contrata continúan sen respectar.

As traballadoras e os traballadores dos servizos de limpeza dos centros que integran o CHUAC continúan esta semana coas protestas en demanda do cumprimento dos convenios colectivos e na defensa dos seus dereitos laborais. Este, mércores 13 de xaneiro, desenvolverán unha nova concentración ás 9:45 horas diante da Xerencia do Complexo Hospitalario xa que, até o momento, non se teñen producido avances de ningún tipo por parte das empresas concesionarias do servizo, que se negan a buscar unha saída dialogada a este conflito.

As traballadoras e os traballadores dos servizos de limpeza dos centros adscritos ao CHUAC continúan nestes primeiros días do ano co calendario de mobilizacións en demanda do cumprimento dos convenios colectivos e na defensa dos seus dereitos laborais. Desta volta, diante dos reiterados incumprimentos e da falta de movementos por parte das empresa que teñen as contratas do Sergas (Linorsa, Valoriza e SamyL), as protestas trasladáronse até o Centro de Especialidades de O Ventorillo, onde máis de cincuenta persoas levaron a cabo unha concentración.

Unha mañá máis, as traballadoras e os traballadores dos servizos de limpeza dos centros adscritos ao CHUAC continuaron coas protestas en demanda do cumprimento dos convenios colectivos e pola retirada da sanción a unha compañeira. Esta foi a última concentración que o persoal levou a cabo por este ano (logo dun mes de mobilizacións continuadas), aínda que a falta de movementos por parte das empresas obrigará a iniciar o 2010 con novas reivindicacións.

A Inspección de Traballo vén de iniciar unha investigación polas múltiples irregularidades cometidas polas empresas que teñen a contrata dos servizos de limpeza dos centros adscritos ao CHUAC, logo das denuncias trasladadas pola CIG e os traballadores/as. Aínda que a resolución non estará lista até o vindeiro mes de xaneiro, a CIG-Servizos cualificou de positivo o encontro no que “quedou demostrado que as empresas teñen contratos en fraude de lei”. Así mesmo, o persoal mantén o calendario de mobilizacións diante da xerencia do Complexo para este mércores 30 de decembro.

O persoal dos servizos de limpeza dos Hospitais Abente y Lago, Marítimo de Oza, Centro de especialidades o Ventorrillo e a Lavandería de A Grela continuaron na mañá deste luns 28 de decembro co calendario de mobilizacións en demanda do cumprimento dos convenios colectivos, logo de que non se producise ningún avance por parte das empresas e a xerencia do Complexo non presionase ás concesionarias para cumprir os termos das contratas.

Caladiños e con esparadrapos na boca para visibilizar o seu silenzo, Así desenvolveron esta mañá os traballadores e traballadoras dos servizos de limpeza do CHUAC unha nova protesta, enmarcada no calendario de mobilizacións para esixir ás empresas adxudicatarias das contratas que cumpran os convenios colectivos e respecten os dereitos laborais do persoal. Os traballadores/as accederon ás instalacións da Xerencia do Complexo, onde se mantiveron concentrados até seren recibidos polo xerente.