O martes 14 de abril, iniciouse o 11º peche que veñen realizando as traballadoras e traballadores do Centro de Atención a Persoas con Discapacidade Física (CAMF-Imserso) de Ferrol semanalmente. Como veñen facendo habitualmente concentráronse entre as 12.00 e as 12:30 horas nas portas dianteiras do centro de traballo.

O Secretario Xeral da CIG, Xesús Seixo, volveu reiterar este mércores que a central nacionalista non dubidará en dar a resposta “dura e contundente”, incluída a convocatoria dunha Folga Xeral, se o próximo venres o Consello de Ministros aproba un novo paquete de medidas con máis recortes para as clases populares. Así o asegurou ante os delegados e delegadas que participaron na asemblea aberta celebrada este mércores en Lugo, dentro dos actos de preparación do Primeiro de Maio.

O martes 23 de abril, desenvolveuse o oitavo peche que veñen realizando as traballadoras e traballadores do Centro de Atención a Persoas con Discapacidade Física (CAMF-Imserso) de Ferrol semanalmente. Estiveron pechados desde as 8 da mañá do día 23 até as 8 da mañá do día 24 nas instalacións do centro.

Representantes da Plataforma Galega en Defensa do Ensino Público anunciaron en rolda de prensa este xoves 4 de abril novas mobilizacións contra a aprobación da Lei de Mellora da Calidade Educativa (LOMCE) e tamén contra as últimas medidas programadas pola Consellaría de Educación, medidas que se traducirán en novos recortes no ensino público. A Plataforma tamén convocou unha concentración para o 17 de abril en Santiago de Compostela coincidindo co debate no Consello Escolar de Galiza, ás 16:45 horas.

CIG-Saúde denuncia os recortes de dereitos que están a padecer as traballadoras e traballadores do SERGAS. Recortes que son superiores aos do resto do persoal das administracións públicas e que afectan desde aos permisos para asistencia a consulta médica, até ás baixas por enfermidade, días festivos ou vacacións. Con todo, para a CIG-Saúde é especialmente grave que a administración sanitaria incida na penalización da enfermidade, “máxime cando o persoal pode ser unha vía de contaxio para as/os doentes”.

As oito da mañá deste mércores levántase o quinto peche que veñen realizando as traballadoras e traballadores do Centro de Atención a Persoas con Discapacidade Física (CAMF-Imserso) de Ferrol semanalmente. Ao mesmo tempo que desenvolvían o peche, o persoal concentrouse entre as 12:15 e as 12:30 diante do portalón de entrada ao centro, rematando a protesta diante da porta da dirección do centro para transmitirlle as demandas ao director en persoa.

Este martes os traballadores e traballadoras do Centro de Atención a Persoas con Discapacidade Física (CAMF-Imserso) de Ferrol están levando a cabo o cuarto peche de 24. Contra o mediodía, o persoal realizou unha manifestación diante do centro e despregou unha faixa de 10 metros de altura en contra dos recortes.