Dende a sección sindical da CIG de Povisa, que compareceu hoxe xunto a representantes doutras centrais que integran o comité de empresa, lembraron que as reducións de xornada no hospital Povisa están a ser impostas e non son voluntarias como afirmou recentemente a dirección do centro médico vigués. O sindicato nacionalista denuncia que a compañía ameazou con realizar 26 despedimentos aplicando a reforma laboral se auxiliares e celadores non acataban a decisión.

O comité de folga de Povisa entregou hoxe un escrito na Inspección de Traballo en Vigo para reclamarlle que inste á dirección de empresa a facer públicos os servizos mínimos. Ao mesmo tempo, denunciaron ante a autoridade laboral o feito de que membros do comité fosen incluídos nos servizos mínimos a pesar de ter solicitado o contrario. Concidindo coa entrega do escrito, arredor de medio cento de traballadores/as concetráronse ás portas da Inspección de Traballo na rúa Cánovas del Castillo.

O comité de folga do hospital Povisa de Vigo denunciou hoxe que as presións exercidas pola dirección sobre os traballadores/as está a restarlle incidencia á folga indefinida convocada o pasado venres para esixir a readmisión de 27 limpadoras/es. Ao meso tempo, trasladou unha protesta á Inspección de Traballo despois de que a compañía non fixese públicos os servizos mínimos e incluíse neles a membros do comité de empresa.

A ponte festiva restoulle incidencia á primeira xornada da folga indefinida convocada en Povisa polo despedimento de 27 empregadas/os da limpeza xa que moitos dos servizos do centro médico vigués atópanse pechados. Dende a CIG entenden que até o luns non se poderá saber cal é o seguimento real do paro.

Varios centos de persoas percorreron en manifestación as principais rúas do centro de Vigo baixo unha intensa choiva para reclamar o mantemento da calidade asistencial en Povisa e rexeitar o despedimento de 27 traballadores/as do servizo de limpeza. O comité de empresa ten convocada unha folga indefinida a partir do 9 de decembro para esixir a readmisión dos compañeiros/as e denunciar que os últimos recortes aplicados pola da dirección do centro médico están a repercutir negativamente na atención que se lle presta aos usuarios/as.

O comité de empresa de Povisa anunciou hoxe a convocatoria unha gran manifestación en Vigo para rexeitar o despedimento de 27 traballadoras/es do servizo de limpeza. A marcha será este xoves 1 de decembro a partir das 20.00 horas dende Vía Norte. Os representantes do cadro de persoal denunciaron tamén a actitude dos responsábeis do Sergas despois de que se negasen a recibilos en Santiago de Compostela.

Os traballadores/as de Povisa continuaron hoxe coas mobilizacións para denunciar o despedimento de 27 compañeiros/as do servizo de limpeza cunha concentración fronte ao centro médico. Esta tarde realizarán unha caravana de coches até o Morrazo e nos vindeiros días desprazaranse a Santiago para manter unha xuntanza con responsábeis do Sergas e convocarán unha manifestación en Vigo.