Portada
Temas
Confederal
Sectores
Entrevistas
Opinion
Multimedia
Contacta
 
 
Artigos de opinión
De novo o Iraque
26/06/2014Albano Nunes
De novo o Iraque. De novo um misterioso bando de «terroristas», semeando a morte e a destruição. De novo a orquestração de dramáticos apelos ...
Suplementos territoriais nos recibos eléctricos
26/06/2014Fernando Branco Parga
O Tribunal Supremo vén de sentenciar que nas peaxes do sistema eléctrico se deberían incluír os diferentes suplementos territoriais. Efectivame...
O destino do Iraque
20/06/2014Luís Carapinha
Aferrados a uma ordem económica injusta e decadente os EUA prosseguem a cavalgada de fragmentação de territórios e destruição das soberanias ...
A outra cara do Mundial de Fútbol
20/06/2014Vicenç Navarro
A gran pobreza do sector público no Brasil, xunto coas exuberantes riquezas, explica a explosión social. De aí a enorme protesta, que non é a pr...
Europa: alternativas à crise
17/06/2014Éric Toussaint
Repartir de outra maneira a riqueza produzida constitui a melhor resposta à crise. A parte destinada aos assalariados nas riquezas produzidas baixo...
As eleições na União Europeia
16/06/2014John Catalinotto
a nosa terra
26/7/2011 Os ex traballadores/as do semanario continúan á espera de cobrar as liquidacións e as mensualidades que aínda se lles adebedan
Promocións Culturais Galegas, empresa editora do xornal A Nosa Terra, vén de ser liquidada mediante un auto emitido polo Xulgado do Mercantil número de 3 de Pontevedra. A resolución xudicial pecha deste xeito a fase de convenios unha vez esgotado o prazo sen que se presentase ningunha proposta e deixa a compañía baixo a dirección da administración concursal. Os traballadores/as do histórico semanario nacionalista continúan á espera de cobrar as liquidacións e os salarios que aínda se lles adebedan.
31/3/2011 Os traballadores/as despedidos reclamaran a Promocións Culturais Galegas o pagamento das débedas cun incidente concursal
O Xulgado do Mercantil número 3 de Pontevedra vén de condenar a empresa editora do semanario A Nosa Terra, administración concursal e Fondo de Garantía Salarial (Fogasa) a abonar os salarios e as indemnizacións pendentes aos 24 ex traballadores/as da publicación nacionalista. O incumprimento motivara a presentación dun incidente concursal en xaneiro para reclamar o pagamento das mensualidades de outubro de 2010 e as liquidacións de despedimento correspondentes.
11/2/2011 A central presentou no xulgado un incidente contra o administrador concursal e a empresa Promocións Culturais Galegas
A federación de Químicas e Enerxía da CIG vén de denunciar publicamente que os 24 traballadores e traballadoras despedidos/as da Nosa Terra aínda non percibiron as nóminas do mes de outubro nin as liquidacións correspondentes despois da presentación do proceso concursal. Diante deste incumprimento, a central nacionalista presentou no xulgado un incidente contra o administrador concursal e a empresa editora do histórico semanario nacionalista, Promocións Culturais Galegas.
6/10/2010 Traballadores e traballadoras do semanario trasladan as protestas contra o ERE até a sede de Xornal de Galicia
A CIG-Químicas vén de denunciar que a pésima situación que atravesa A Nosa Terra xa era coñecida pola dirección do semanario dende hai varios anos. En 2007 unha auditoría interna realizada pola propia construtora San José, propietaria de ANT, recoñecía o grave desfase económico das contas da empresa editora, aínda que dende a dirección non se adoptou ningunha medida correctora nin se elaborou un plano de viabilidade. Pola súa banda, os traballadores/as continuaron este mércores co calendario de mobilizacións previsto, desenvolvendo un peche simbólico na sede de Xornal de Galicia, o outro medio propiedade da construtora.
1/10/2010 Os traballadores/as do semanario afectados por un ERE ocuparon as oficinas do Grupo San José en Pontevedra
A CIG denuncia que A Nosa Terra pretende acollerse á nova reforma laboral para despedir os traballadoras e traballadoras do semanario sobre os que pesa un Expediente de Regulación de Emprego. Uns 15 empregados/as do semanario nacionalista realizaron hoxe un paro de tres horas en sinal de protesta e ocuparon as oficinas do Grupo San José en Pontevedra, onde estiveron acompañados por representantes da central.
27/9/2010 As concentracións de protesta organizadas pola CIG diante da sede do semanario en Vigo continuaron este xoves 30
As traballadoras e os traballadores do semanario A Nosa Terra convocan para este venres día 1 de outubro un paro de tres horas para protestar polo Expediente de Regulación de Emprego que afecta a 28 empregados/as da publicación. As mobilizacións convocadas pola CIG continuaron cunha concentración este xoves 30 ás portas da publicación na rúa Príncipe de Vigo.
20/9/2010 Lembra a responsabilidade do director de A Nosa Terra na mala xestión que obrigou a empresa a presentar un ERE
A federación de Químicas e Enerxía da CIG critica a inclusión do director de A Nosa Terra, Alfonso Eiré, nunha mesa redonda sobre a situación da industria cultural galega xa que lembran que boa parte da situación que atravesa o semanario é responsabilidade súa. Dende a central consideran que Eiré non é a persoa máis axeitada para falar sobre alternativas de futuro para a industria cultural do país despois de que a súa xestión á fronte do xornal rematase cun ERE que afecta aos 28 traballadores/as.
Engadir ao calendario
cig.prensa@galizacig.com