A CIG presentaba, en febreiro de 2010, un documento baixo o título “políticas alternativas para a crise” no que se analizaba o contexto económico e se apuntaban as medidas que sería necesario pór en marcha non só para enfrontala senón mesmo para camiñar cara outro modelo económico e social. Daquela a central sindical advertía das consecuencias que traerían as medidas que se estaban a adoptar por parte dos gobernos central e autonómico e apostaba por outras que posibilitaran cambios estruturais e un apoio decidido ao tecido produtivo para favorecer a creación de emprego.

A Confederación Intersindical Galega vén de presentar publicamente a campaña do Primeiro de Maio, Día do Internacionalismo Proletario, que se conmemora desta volta baixo o lema "Por un modelo socioeconómico xusto e sustentábel. En defensa da soberanía nacional".