Ante a decisión do FROB (é dicir do Goberno Central) de adxudicar o Banco Gallego ao Sabadell, a CIG lamenta esta decisión política e manifesta o seu rexceitamento. A sección sindical sinala que se perde así unha nova empresa galega, nomeadamente no sector financeiro, dentro do proceso de concentración e centralización impulsado polo Goberno. Denuncia ademais as consecuencias deste proceso para o tecido produtivo, e polo tanto para a economía e o emprego en Galiza que, alerta, “irán máis ala da propia reestruturación do banco”.

A CIG-Banca vén de convocar para o vindeiro día 11 de outubro, entre as 11:00 e as 12:00 horas, unha concentración diante do edificio administrativo da Xunta, en San Caetano, para demandar un compromiso en materia de emprego no proceso de resolución ordenada de Novagalicia, que afecta tamén ao Banco Gallego e ás empresas auxiliares, e a 6.000 traballadores e traballadoras en Galiza.

Delegados e delegadas de Novagalicia Banco, do Banco Gallego (entidade participada) e das empresas auxiliares (HP, Unicom e CISER) concentráronse esta mañá diante do edificio administrativo da Xunta de Galiza, en Compostela, para demandar unha solución inmediata para NCG, que garanta a viabilidade futura da entidade e o mantemento dos 6.000 postos de traballo -directos e indirectos- que están en xogo. Responsabilizan da devaluación da entidade tanto á grande banca, como ao presidente da Xunta, e consideran que esa solución debe vir por manter á entidade como banca pública.

Os delegados e delegadas da CIG en novagalicia banco, no Banco Gallego (entidade participada) e nas empresas auxiliares (HP, Unicom e CISER) convocan unha concentración o vindeiro día 24 de maio diante do edificio administrativo da Xunta de Galiza, en San Caetano, para esixir unha solución inmediata e urxente, un plan de futuro para NCG Banco, que garanta os máis de 7.000 postos de traballo.

A Sección Sindical da CIG no Banco Gallego rexeitou o Expediente de Regulación de Emprego acordado entre a Dirección da empresa, CCOO e UGT. Clodomiro Montero, secretario nacional de CIG-Banca considera que “estamos ante un duro plano de reestruturación a través dun ERE centrado en Galiza que culmina a deslocalización dos Servizos Centrais cara a Madrid”. O acordo afectará ao 53% do cadro de persoal, coa extinción de 99 postos de traballo en Galiza vinculado ao peche de SSCC na Coruña e de 25 oficinas e establece mobilidade xeográfica obrigatoria para  145 persoas.

Uns 200 delegados e delegadas sindicais de bancos e das caixas de toda Galiza trasladáronse esta mañá até as portas das oficinas de Servizos Centrais do Banco Gallego en A Coruña para denunciar a política de despedimentos e o desmantelamento paulatino dos departamentos do banco cara Madrid. O persoal mantivo unha ruidosa protesta durante algo máis de unha hora e mesmo cortou o tráfico durante quince minutos na rúa Linares Rivas, unha das principias vías de A Coruña; momento no que se incorporaron á concentración varios dos traballadores e traballadoras dos Servizos Centrais.

O persoal do Banco Gallego participou activamente na asemblea convocada por CIG, CCOO e UGT para dar resposta aos despedimentos realizados pola entidade en base ao artigo 52 do Estatuto dos Traballadores/as, despois de externalizar o servizo de estranxeiro situado ata o de agora nos Servizos Centrais do banco na Coruña.