A CIG-Ensino vén de denunciar a redución do profesorado de Secundaria con destino provisional nun 55%, con 999 adxudicacións menos respecto das realizadas en setembro de 2011 para o curso que rematou. Así se tira da publicación das adxudicacións de destinos para o curso escolar que comeza en setembro, a definitiva en Primaria e a provisional en Secundaria.

A CIG-Ensino denuncia que os criterios mercantilistas imperantes na Consellaría de Educación, chegan a tal nivel que este curso, por primeira vez, fai o que non fixo nunca: atrasa a toma de posesión do profesorado que comeza traballar con contrato de interinidade até o día 12,o mesmo día en que se inicia o curso, para aforrar 11 días de soldo, sen importarlle as consecuencias para os colexios e para o profesorado afectado que chegará ao centro o mesmo día en que comezan as clases sen saber que curso imparte nin que horario ten e, por tanto, sen poder ter nada preparado. A Consellaría impide así que este profesorado participe na programación do curso e na posta en marcha do centro.aínda que ten adxudicado destino desde o día 30 de agosto.

Nunha sentenza publicada onte, o Tribunal de Xustiza da Unión Europea (TXUE), con sede en Luxemburgo, declarou que os funcionarios interinos da Comunidade Autónoma de Galiza teñen dereito a percibir trienios de antigüidade por aplicación directa da Directiva 1999/70, sen que tal dereito poida verse prexudicado polo feito de que os efectos retroactivos do cobro de trienios estean excluídos por unha norma de dereito interno, como é o artigo 25.2 da Lei 7/2007, do Estatuto básico do empregado público (EBEP).

A Consellaría de Educación, despois da exixencia da CIG-Ensino e do propio colectivo afectado, prevé levar á Mesa Sectorial de Ensino non Universitario a rectificación dos criterios de elaboración das listaxes do profesorado substituto e interino que non ten servizos na administración educativa.

A Consellaría de Educación vén de publicar a adxudicación definitiva do profesorado de secundaria e bacharelato. Con esta adxudicación non se lles asigna praza a 445 interinos de secundaria e  5 das Escolas Oficiais de Idiomas. Como exemplo:  54  profesores/as de xeografía e Historia, 18 Filosofía, 45  de Debuxo, 63 de Lingua Castelá, 41 de  Matemáticas,  29 de  Educación Física, 61 de Música, 50 de Lingua Galega,  45 en Francés, etc,  en conxunto uns 550 profesores, moitos deles con varios anos de servizo, pasan ao paro. Esta situación pode verse incrementada o vindeiro 14 cando se realice a adxudicación de FP, pois tamén nestas ensinanzas se produciron recortes importantes coa desparición de máis de 20 ciclos formativos.