A Asemblea de Desempregados da CIG de Ferrol desenvolveu este domingo unha concentración ás portas e no interior do Alcampo para reclamar as grandes superficies de distribución que doen os alimentos próximos a caducar ás persoas que os precisan en lugar de tiralos ao lixo, como adoitan facer. A asemblea acordou realizar neste supermercado a súa protesta xa que ten constancia que no seu interior existe unha compactadora na que destrúen todos a comida que xa non poden poñer á venda.

A asemblea de desempregados/as de Ferrol informou en rolda de prensa da iniciativa que veñen desenvolvendo dende hai unhas semanas, de cara a coñecer que destino dan as grandes cadeas de distribución da comarca aos alimentos próximos a caducar. Logo de manteren reunións coas direccións de diferentes empresas confirmaron que estas tiran a diario ao lixo os produtos, “mentres hai persoas que se teñen que meter nos contedores para buscar algo de comer”.

Ducias de delegados/as da CIG volveron concentrarse fronte aos centros de traballo que a multinacional da alimentación Lidl ten en Ourense en protesta polo despedimento dunha traballadora acusada de roubar unhas papas de cereais para a súa filla. Dende a central nacionalista rexeitan a decisión da empresa por “inxusta, indecente e inmoral e anuncian que as protesta continuarán até que se chegue a un acordo que dignifique a profesionalidade dunha empregada con máis de 10 anos de antigüidade.

A Unión Comarcal da CIG de Ourense anunciou que continuará coas mobilizacións convocadas para denunciar o despedimento "inxusto e inmoral" dunha traballadora con máis de 10 anos de antigüidade tras ser acusada de roubar unhas papas de cereais para a súa filla por valor de tres euros. Dende a central nacionalista critican a falta de vontade negociadora da trasnacional alemá, que non compareceu no acto de conciliación previo ao xuízo.

Ducias de delegados/as da CIG concentráronse esta mañá fronte aos centros de traballo que a multinacional da alimentación Lidl ten na cidade en protesta polo despedimento dunha traballadora acusada de roubar unhas papas para a súa filla. Dende a central nacionalista rexeitan a decisión da empresa por “inxusta, indecente e inmoral e anuncian que as protesta continuarán até que se chegue a un acordo que dignifique a profesionalidade dunha empregada con máis de 10 anos de antigüidade.

A CIG de Ourense denuncia a actuación desproporcionada e inmoral da multinacional alemá Lidl despois de que despedise a unha traballadora con contrato fixo que levaba 10 anos no centro de traballo da Valenzá. A empregada foi acusada de coller unhas “papas de cereais” de bebé para os seus fillos a última hora da tarde cando a caixa xa estaba pechada, polo que non puido facer efectivo o pago por un importe de 2,90 euros, “sendo intención da traballadora abonar esta cantidade ao día seguinte ao comezar a xornada laboral”.

A CIG-Servizos de Lugo compareceu diante dos medios de comunicación para denunciar publicamente as ameazas e presións que Mercadona está a exercer contra os traballadores e traballadoras da cadea de supermercados que se presentan nas candidaturas da CIG ás eleccións sindicais. Feitos que vai denunciar diante da Fiscalía.