27 de xaneiro do 2011, 1º de maio do 2011, 1º de maio do 2012, 14 de novembro do 2012, 10 de marzo do 2013 e agora o 1º de maio do 2013 son datas de mobilizacións nas que a CIG de Compostela tivo que acudir ao Xulgado para acadar as autorizacións para megafonear, colocar faixas ou obter permisos para a lectura dun manifesto. Seis datas ás que hai que sumar outras varias nas que non foi posíbel por razón de tempo ou de medios, presentar denuncias contra o concello e nas que non se puideron exercer debidamente os dereitos vulnerados.

Máis unha vez o concello de Santiago vén de denegar á CIG a autorización para pasar megafonía anunciando a convocatoria da manifestación convocada pola central sindical para o vindeiro domingo, día 10 de Marzo, baixo o lema Salvemos os noso convenios, contra a pobreza e a explotación”. A CIG denuncia que o escrito, que foi recibido este xoves, día 7 de marzo, leva data de 27 de febreiro, polo que entende que se atrasou a mantenta a súa remisión coa fin de dificultar a presentación dun recurso.

A CIG de Compostela interpuxo, unha vez máis, recurso contencioso-administrativo polo procedemento especial para a protección de dereitos fundamentais, tras da denegación do concello de Santiago de realizar publicidade, por medio de megafonía, da convocatoria de manifestación que, con motivo da folga xeral do vindeiro 14 de novembro, se convoca, ás 12:00 da mañá dese mesmo día. No recurso, a CIG denuncia ademais a exixencia de 1.200 euros, en concepto de fianza, por colocar dúas pancartas anunciando a convocatoria.

A CIG de Compostela tivo que presentar novamente un recurso contecioso-administrativo polo procedemento especial de vulneración dereitos fundamentais, contra o silencio administrativo da concellaría de Tráfico e Seguridade Cidadá do concello de Santiago, por non resolver a solicitude do 3 de abril relativa á publicidade dos actos que levará a cabo a central sindical o vindeiro Primeiro de Maio.

A CIG de Compostela manifesta o seu malestar pola decisión do concello de Santiago de “desestimar” a petición da central sindical de facer un enganche de luz e de utilizar a furgoneta de megafonía na manifestación das traballadoras/es, convocada para mañá sábado, día 25, ás 11:30 horas. A furgoneta, di o decreto emitido polo concelleiro de Mobilidade, Seguridade Cidadá e Tráfico, “poderá facer o percorrido polas rúas da nosa cidade, agás as rúas de uso peonil e as vías de circulación prohibida sinaladas no capítulo III da Ordenanza xeral Municipal e Uso de Vía pública”.

O Xulgado do Contencioso-Administrativo número 1 de Ourense vén de estimar o recurso presentado pola CIG contra o decreto do alcalde de Verín mediante o que se denegara a autorización para difundir con megafonía a convocatoria de folga xeral do pasado 27 de xaneiro. A sentenza establece que a decisión de Juan Manuel Jiménez Morán vulnera o dereito fundamental de liberdade de expresión e o de liberdade sindical e de folga.

O xulgado vén de emitir un auto polo que autoriza á CIG de Compostela de anunciar por megafonía polo centro da cidade a manifestación que a central sidical ten convocada este xoves 27 de xaneiro, con motivo da xornada de folga xeral. Dende a Unión Comarcal denuncian que esta é a segunda ocasión na que teñen que recorrer á xustiza para que permita o exercicio dun dereito fundamental que o Concello dificulta de xeito sistemático.