O comité de empresa da fabricante de adhesivos Forbo, con maioría da CIG, rexeita o peche da fábrica de Mos, o despedimento de todo o cadro de persoal e o traslado da produción a Portugal xa que “a compañía é rendíbel”. A dirección da transnacional estadounidense H.B. Fuller, firma que adquiriu a empresa suíza fabricante de adhesivos, comunicoulles os representantes dos traballadores/as a “decisión irrevogábel” de desfacerse das súas instalacións en Galiza e deixar a fábrica portuguesa de Mindelo como único referente na Península Ibérica.

O grupo estadounidense HB Fuller, actual propietaria da división de adhesivos da multinacional suíza Forbo, vén de anunciar o peche da planta que a compañía posúe na localidade pontevedresa de Mos. Tras a decisión, que afectará a 70 traballadores/as, agóchase a intención da empresa de trasladar a produción a Portugal. O comité de empresa celebrará unha asemblea para decidir a convocatoria de mobilizacións.

A Mesa Estatal do Carbón acordou pasado venres día 4 de febreiro o desenvolvemento de toda a normativa legal necesaria para a aplicación efectiva do Decreto do Carbón. Segundo o Ministerio de Industria, só quedaría pendente que a Xunta de Galiza retire o recurso interposto contra o documento diante do Tribunal de Luxemburgo.