Unhas 50.000 persoas participaron nas mobilizacións conxuntas convocadas polo Sindicato Labrego Galego, UU.AA, XX.AA.e a Asociación Galega de Cooperativas Agrarias (Agaca) en 14 cabeceiras de comarca para exixir unha solución á grave crise que atravesa o sector, garantías do mantemento dos posto de traballo e do futuro do sector leiteiro. A central nacionalista participou solidariamente nalgunha das manifestacións desenvoltas entre as 12:00 e as 14:00 horas do 8 de maio, mentres que o secretario xeral da CIG, Suso Seixo, estivo presente na protesta de Arzúa.

A central sindical nacionalista apoia as mobilizacións convocadas polos sindicatos agrarios (SLG, UU.AA, XX.AA.) e a Asociación Galega de Cooperativas Agrarias (Agaca), para o vindeiro 8 de maio nas principais comarcas gandeiras galegas, en defensa do emprego e do futuro do sector lácteo. A CIG chama á participación nas mobilizacións que terán lugar entre as 12 e as 14h do vindeiro venres en Melide, Arzúa, Betanzos, Vimianzo, Ordes, Santa Comba, Chantada, Ribadeo, Sarria, Meira, Palas de Rei, Vilalba, A Estrada e Pontevedra.  

O SLG denunciou o incumprimento das axudas aprobadas ós sectores de vacún, ovino e caprino, e das axudas a razas autóctonas en extensivo, aprobadas xa dende o mes de abril pola administración autonómica e a estatal.

O SLG vén de contestar ao anuncio realizado na mañá do 28 de novembro pola Consellería de Medio Rural no que se denuncia que a actitude amosada pola Consellaría, dando por aprobada “por acordo unánime de todos os representantes do sector na Comisión Permanente do Consello Agrario” o Decreto de Artesanía Alimentar de Galiza.

O SLG convoca para o 18 de novembro unha mobilización polo dereito “á negociación colectiva dos prezos agrarios”. Segundo explican dende o Sindicato Labrego Galego, “a grave situación que arestora están a sufrir as explotacións agrarias en xeral e as leiteiras en particular, perante do risco a vérense abocadas a vender a súa produción a prezos ruinosos, pon de releve a irregularidade predominante no sistema de contratación agraria que, no caso do leite se vendeu como a estabilidade a través dos Contratos Homologados”.

O SLG alertou da inclusión de diversas variedades vexetais modificadas xeneticamente pola multinacional Monsanto dentro do Rexistro de Variedades Comerciais permitidas no Estado español. Dende o Sindicato Labrego Galego reiteran a denuncia da perigosidade que os alimentos modificados constitúen para a saúde tanto animal como humana, xa que a propia comunidade científica non mantén un posicionamento unánime, co que debería primar o principio de precaución e a non autorización.

O Sindicato Labrego Galego anunciou a convocatoria de mobilización para o vindeiro 18 de novembro para reclamar a fixación dun prezo mínimo para o leite. A manifestación partirá dende a entrada da Consellaría de Medio Rural e finalizará na Praza do Obradoiro. O SLG esixirá con esta mobilización a actuación decidida da clase política, na que reside a responsabilidade de egular o leite coa eficacia e garantías que corresponde a un produto de primeira necesidade para a sociedade.