A Consellaría de Economía e Industria da Xunta de Galiza vén de facer pública a convocatoria 2013 das probas teórico-practicas pra obtención de habilitacións/carnés profesionais. A forGA pon ao dispor de afiliadas e afiliados da CIG unha serie de cursos preparatorios, a través dos que obter a formación precisa con garantías para superar as citadas probas. 

A forGA e a CIG, á vista da vergoñenta política de tallos de dereitos e privatizacións de servizos públicos protagonizada polo PP e conscientes da importancia da formación para o emprego para os traballadores/as, vimos de asinar un Convenio de Colaboración dirixido a pór en marcha un programa de cualificación e/ou recualificación profesional para os afiliados/as da central e para aqueles/as usuarios da forGA que se afilien á CIG e que desexen acceder a este tipo de servizos formativos nunhas condicións económicas vantaxosas.

O Tribunal Superior de Xustiza de Galiza vén de declarar a invalidez da resolución ditada pola Xunta de Galiza, por mor da que denegou a forGA varios planos de formación solicitados en 2010. A decisión xudicial condena á administración galega a retrotraer o proceso e ditar nova resolución que evidencie de forma “razoada e razoábel” os criterios para denegar ou conceder ditas axudas.

O Tribunal Superior de Xustiza de Galiza vén de anular a resolución pola que se excluíu á forGA das axudas á formación profesional para o emprego, na convocatoria pública para a programación de accións formativas dirixidas prioritariamente a traballadores/as desempregados/as, no exercicio de 2009. O TSXG recoñécelle explicitamente á forGA o dereito a obter esas axudas e considera que se vulnerou o principio de igualdade e que non se deu unha “xustificación obxectiva e razoábel” que xustificase esa exclusión.

A CIG manifesta o seu rexeitamento á distribución de fondos realizada, como ao Borrador da Orde da convocatoria 2012. Denuncia a pretensión da Xunta de utilizar as cotas de formación profesional dos traballadores/as e empresariado para financiar as políticas de emprego do actual goberno e anuncia que, de non aclararse suficientemente os “estraños criterios polos que se van dirixir 18 millóns de euros, das cotas das traballadores/es e empresariado, a programas de empresa e se van deixar de investir 2 millóns de euros en formación continua”, impugnará a distribución de fondos realizada ante as xurisdicións competentes, co obxecto de que se determinen as responsabilidades administrativas e, mesmo penais, que puidesen caber”.

Ante a noticia publicada hoxe, día 19 de Xuño, polo xornal “La Voz de Galicia”, a meio da que se trata dun xeito esguellado e manipulado a situación económica na que se atopa a Fundación para a Orientación Profesional, a Investigación e o Desenvolvimento Tecnolóxico, o Emprego e a Formación en Galiza (forGA), a EQUIPA DE DIRECCIÓN da entidade decidiu facer as aclaracións que a seguir se detallan, en orde a transmitir á opinión pública a situación real na que se atopa a fundación e as razóns que nos levaron a tomar as decisións que a sustentan:

forGA ten entre os seus obxectivos pór en práctica proxectos que potencien, faciliten e consigan que os traballadores e traballadoras poidan acadar un emprego digno a través da formación, potenciando a participación de todas as persoas no desenvolvemento social e económico do país. Os datos recollidos neste difícil ano son alentadores, tanto por familias profesionais, como por delegacións da forGA, como por provincias.