forGA ten entre os seus obxectivos pór en práctica proxectos que potencien, faciliten e consigan que os traballadores e traballadoras poidan acadar un emprego digno a través da formación, potenciando a participación de todas as persoas no desenvolvemento social e económico do país. Os datos recollidos neste difícil ano son alentadores, tanto por familias profesionais, como por delegacións da forGA, como por provincias.

A Fundación para a Orientación Profesional, a Investigación e o Desenvolvemento Tecnolóxico, o emprego e a formación en Galiza (forGA), vén de iniciar a campaña de apoio á Folga Xeral coa colocación de pancartas no exterior dos distintos centros nas que fai unha chamada á mobilización.

A Fundación para a Orientación Profesional, a Investigación e o Desenvolvemento Tecnolóxico, o Emprego e Formación en Galiza, forGA, no seu centro de Verín,  vén a informar da convocatoria do pasado 17 de febreiro da Dirección Xeral de Formación e Colocación da Consellaría de Traballo e Benestar, que publicou resolución pola cál se convocan as probas de avaliación en competencias clave para acceder ás accións formativas dos novos certificados de profesionalidade (niveis 2 e 3).

A Fundación para a Orientación Profesional, a Investigación e o Desenvolvemento Tecnolóxico, o Emprego e Formación en Galiza, forGA, vai desenvolver o martes 31 de xaneiro, en Verín, unha xornada informativa sobre a Acreditación da Experiencia Profesional para a obtención de diferentes certificacións de profesionalidade.

O próximo día 27 de xaneiro remata o primeiro prazo de solicitude para a obtención de determinados carnés profesionais e habilitacións profesionais correspondente á convocatoria publicada no DOG do 16 de xaneiro de 2012. O segundo prazo de solicitude está establecido entre o 2 e o 31 de xullo de 2012.

Xa está dispoñible a informacion da planificación das xornadas informativas que a forGA organiza con motivo da nova convocatoria de Acreditación da Experiencia Laboral. As xornadas están destinadas a persoas interesadas en participar nos procesos de acreditación a través da experiencia, tanto nas convocatorias actuais, como en vindeiras convocatorias e persoal docente e alumnado dos cursos de formación para o emprego.

A Fundación para a Orientación Profesional, a Investigación e o Desenvolvemento Tecnolóxico, o Emprego e Formación en Galiza, forGA, informa da finalización da acción formativa de “Atención sociosanitaria a persoas dependentes no domicilio, polo que 13 persoas obtiveron a certificación de profesionalidade.