A Plataforma Cidadá Queremos Galego, da que forma parte a CIG, está a promover para este martes 17 de maio, Día das Letras Galegas, unha acción reivindicativa expansiva e simultánea no maior número posíbel de localidades en defensa do galego. Ao coincidir o Día das Letras Galegas en plena campaña das eleccións municipais, un dos eixos reivindicativos da convocatoria será a galeguización efectiva dos concellos.

Queremos Galego impulsará un calendario de mobilizacións cando se fan dous anos de goberno de Alberto Núñez Feijoo na presidencia da Xunta. Así o vén de anunciar a plataforma cidadá, formada por máis de 700 entidades de diferentes ámbitos sociais, que ten previsto organizar un grande acto nacional de carácter lúdico-reivindicativo en Santiago de Compostela o sábado 30 de abril e mobilizacións simultáneas en distintas localidades do País para o vindeiro 17 de maio.

A Plataforma Queremos Galego insta a toda a cidadanía galega a participar nunha nova manifestación nacional en defensa da nosa lingua propia o vindeiro luns 17 de maio, Día das Letras Galegas. Baixo o lema “O Galego, o noso existir” a plataforma cidadá agarda que a mobilización “sexa de novo histórica polas súas dimensións” e que se repita a imaxe do pasado 21 de xaneiro cando a Praza do Obradoiro quedou pequena para acoller á multitude que secundou a manifestación contra o decretazo.

A Plataforma Cidadá Queremos Galego presentou esta mañá en conferencia de prensa a campaña gráfica coa que chamará a toda a sociedade galega a unha nova manifestación nacional en defensa da nosa lingua propia o vindeiro 17 de maio, Día das Letras Galegas. “O Galego, o noso existir” é o lema escollido para unha mobilización “que non hai dúbidas de que será de novo histórica polas súas dimensións”, asegurou o presidente da Mesa pola Normalización Lingüística e un dos portavoces de Queremos Galego, Carlos Callón.

A Xunta de Persoal Docente de Centros Públicos non Universitarios da provincia de A Coruña, que representa a máis de 17.000 docentes, vén de aprobar unha proposta promovida pola CIG-Ensino en contra da derrogación do decreto de normalización do galego no ensino e de apoio ao Manifesto de convivencia lingüística e á manifestación do 17 de Maio.

"Acosados, discriminados e excluídos”. Así é como se senten Brais Fernández Prieto, Carmen Ferreiro Seoane e Manuela Arias Estévez, os tres traballadores da Capitanía Marítima de Burela que na tarde do 6de maio compareceron ante os medios para denunciaren a situación de acoso laboral á que se ven sometidos por parte dos seus superiores desde que hai cinco meses e medio lles solicitaron que se cumprise a lexislación en materia lingüística. Estas tres persoas, tal e como explicaron aos medios de comunicación, están collendo baixas “que os nosos médicos non dubidan en informar como transtornos de ansiedade provocados pola situación de acoso laboral”.

A Xunta de Persoal Docente non universitario da provincia de Pontevedra vén de amosar o seu rexeitamento ás intencións anunciadas polo presidente da Xunta, Alberto Núñez Feijoo, de derrogar o decreto de normalización do galego no ensino. O Colectivo reclama que se manteña a normativa e realiza un chamamento a participar na manifestación nacional convocada o vindeiro 17 de Maio na defensa do noso idioma.