Unha representación dos traballadores e traballadoras da Torre de Hércules trasladouse esta mañá a Compostela para levar ás súas reivindicacións ante os grupos parlamentares. O persoal pediu dos/as responsábeis políticos que entremedien neste conflito de cara a conseguir unha xuntanza co Concello da Coruña, xa que até o momento o Goberno municipal continúa sen atender as súas peticións.

Os traballadores e traballadoras da Torre iniciaron un peche no mediodía deste mércores nas oficinas do Consorcio de Turismo como medida para forzar unha reunión co Concello, logo de que nin a concelleira nin o alcalde atendesen a petición de xuntanza cursada polo persoal hai máis de un mes. O persoal tiña intención de permanecer nas oficinas até seren recibidos polo goberno local, mais pasada a media tarde acordaron levantar a medida de presión tras sufrir unha indisposición un dos compañeiros, que tivo que ser trasladado en ambulancia ao CHUAC, e así poder acompañalo até o hospital.

Os traballadores e traballadoras da Torre de Hércules continúan adiante coas mobilizacións en defensa dos seus empregos. Nesta ocasión, o persoal realizou un acto simbólico que consistiu en perfilar con candeas a silueta do faro romano en plena Praza de María Pita e acender un refacho de luz para ensinar ao goberno local o camiño que leva á solución do conflito.

Centos de veciños e veciñas da Coruña participaron o domingo na concentración convocada ao pé da Torre de Hércules en apoio aos traballadores/as e contra a decisión do Concello de pechar o faro temporalmente, deixando na rúa ao persoal que até agora prestaba os servizos na Torre. Coincidindo coa acción de protesta, Adolfo Naya e Alejandro Expósito abandonaron o encerro que iniciaron o pasado mércores e a folga de fame que mantiveron durante tres días en repulsa a medida do Goberno municipal.

Un sindicalista da CIG e outro da UGT permanecen pechados dende ás 10 da mañá deste mércores no alto da Torre de Hércules en rexeitamento á decisión do Concello de pechar o faro temporalmente e despedir aos/ás 13 empregados que até agora se viñan ocupando das tarefas de limpeza, mantemento e atención ao público, sen garantirlle que serán subrogados unha vez se adxudique a nova contrata.

O comité de empresa de Alcampo Vigo 2, centro comercial situado na Avenida de Madrid, desenvolveu hoxe unha nova mobilización para denunciar o despedimento dunha traballadora e criticar a actitude do xefe da sección de lácteos. As protestas continuarán todos os luns e venres do mes de decembro entre as 12.00 e as 13.00 horas.

A CIG vén de impugnar, en vía administrativa, os pregos de contratación do servizo do DOG da Xunta de Galiza. Nestes pregos, que foron publicados o o 10 de marzo no propio DOG, establécese, por primeira vez en case 20 anos e despois de diferentes concursos públicos, un cadro de persoal mínimo de 16 persoas, cando actualmente están a prestar os seus servizos, con contratacións estábeis e indefinidas, 21 traballadores/as.