O curso escolar arrinca con conflitividade por mor dos ataques que, segundo denuncia o secretario nacional de CIG-Ensino, Anxo Louzao, está a sufrir o ensino público e que se resumen en: redución de profesorado, supresión de unidades, masificación das aulas, falta de administrativos nos centros, incremento do horario lectivo do profesorado, inclusión de labores que non lle son propias como control do alumnado á entrada e saída do transporte escolar, eliminación da gratuídade dos libros de texto, funcionarios en prácticas que non imparten a materia que aprobaron na oposición, servizos complementarios deficitarios, desaparición do dereito á xubilación anticipada ou ataques á nosa lingua.