No DOG do xoves 8 de marzo sae publicado un anuncio para a contratación de servizos para o desenvolvemento de campañas publicitarias sobre a promoción das iniciativas da Xunta de Galiza en materia de “identidade, galeguidade e datas de especial sensibilidade social”, por unha contía económica que ascende até os 1,2 millóns de euros.

A Secretaría da Muller da CIG informa de que se vén de abrir o prazo de preinscripción nas Escolas Infantís 0-3 anos, dependentes da Consellaría de Traballo e Benestar e do Consorio Galego de Servizos de Igualdade e Benestar (Rede "Galiñas Azuis"), nas que xa se aplicarán os novos prezos estabelecidos pola Xunta para as garderías, que no caso dalgúns servizos, como o de comedor, mesmo chegan a duplicar o custe actual.

A Secretaría de Muller da CIG informa da publicación no DOG da orde pola que se establecen as bases para a concesión da prestación económica de pagamento único por fillos e fillas menores de tres anos para este 2012. A Xunta volve excluír destas axudas ás persoas que o pasado ano presentaron a declaración da renda, aínda sen ter a obriga de facelo.

A Consellaría de Educación non recolle 53 vacantes de departamentos de orientación propostas polas Xefaturas territoriais e informadas favorabelmente pola inspección, na convocatoria de concurso de traslados. Así se constata na convocatoria publicada no DOG do 29 de novembro, do “concurso de traslados específico entre persoal funcionario docente do corpo de mestres para cubrir prazas de xefatura do departamento de Orientación nos colexios públicos de educación infantil e primaria e de educación primaria dependentes da Consellería de Educación”.

A Secretaría de Muller da CIG vén de informar que acaban de saír publicadas no DOG as axudas aos traballadores homes e familias monoparentais que, entre o 1 de setembro de 2010 e o 30 de abril de 2011, se acolleran a unha redución da súa xornada laboral para dedicarse ao coidado dos seus fillos ou fillas menores de 3 anos.

A CIG vén de impugnar, en vía administrativa, os pregos de contratación do servizo do DOG da Xunta de Galiza. Nestes pregos, que foron publicados o o 10 de marzo no propio DOG, establécese, por primeira vez en case 20 anos e despois de diferentes concursos públicos, un cadro de persoal mínimo de 16 persoas, cando actualmente están a prestar os seus servizos, con contratacións estábeis e indefinidas, 21 traballadores/as.

A Secretaría de Muller da CIG informa da publicación no DOG da orde pola que se establecen as bases para a concesión da prestación económica de pagamento único por fillos e fillas menores de tres anos para o 2011. Como novidade, este ano a Xunta introduciu un novo criterio para excluír das axudas a todas aquelas persoas que presentación a declaración da renda o ano pasado e non estaban obrigadas a facelo. Non obstante, dende a CIG anímase a todas as nais e pais e solicitar de igual xeito a prestación.