A CIG-Saúde rexeita a decisión da Consellaría de Sanidade de renovar a privatización de parte dos servizos de fisioterapia, logopedia e fisioterapia respiratoria da provincia de Lugo, por importe de 1,5 millóns de euros. A renovación deste concerto coa clínica Fisioterapia Lugo SL supón detraer cartos públicos para mellor a prestación deste servizo dende o novo hospital de Lugo.

O Comité de Centros da Xerencia de Atención Primaria de Lugo ten convocada unha concentración para o vindeiro 17 de novembro en rexeitamento á política de contratacións realizada pola dirección e que denuncia está “caracterizado pola diminución drástica das substitucións dos profesionais” e a “violentación da normativa aplicábel en materia de substitucións”.

O novo hospital de Lugo, presentado polo Goberno galego como o estandarte da modernidade, está plenamente sumido na política de recortes aplicada pola Consellaría de Sanidade, segundo denuncia a CIG-Saúde Lugo. Así, os novos servizos prometidos para a área sanitaria, como Hemodinámica ou Radioterapia, continúan sen funcionamento, péchanse servizos e camas, prodúcese un recorte do persoal e as vellas instalacións do complexo hospitalario avanzan no seu deterioro sen que se destinen aos usos comprometidos.

A CIG-Servizos continuou o luns 3 de outubro coas mobilizacións en contra do despedimento de dous traballadores de Suplusa (Sociedade Urbanística Provincial de Lugo S. A.). A empresa, dependente da Deputación de Lugo, rescindiu o contrato a estes empregados o pasado xullo, logo de que acudisen aos xulgados a reclamaren os seus dereitos.

Coincidindo co inicio do primeiro xuízo polo despedimentos de tres traballadoras da sección de chacinería do centro Carrefour de Lugo, a CIG realizou unha nova concentración para protestar pola medida adoptada pola multinacional francesa e reclamar a readmisión destas compañeiras.

A CIG-Servizos realizou unha concentración na tarde do martes diante do centro comercial Carrefour de Lugo en protesta polo despedimento de tres traballadoras da sección de chacinería. A central retoma así o calendario de mobilizacións iniciado o pasado mes de maio, coincidindo coa proximidade da celebración do xuízo polos despedimentos.

A Federación de Saúde da CIG vén de denunciar de novo o enquistamento dos problemas que padece o Centro de Orientación Familiar de Lugo, sen que até o momento as distintas Xerencias teñan actuado para corrixir as deficiencias que presenta o servizo. Esta situación, aseguran, ten provocado que o número de embarazos non desexados e interrupcións voluntarias do mesmo (por falta xeneralizada de atención xinecolóxica, dende o 2007) acadase niveis similares aos da área sanitaria de Vigo, a pesar das diferenzas no número de poboación.