A CIG-Ensino presentou hoxe en rolda de prensa as XXI Xornadas de Lingua e Literatura que se van celebrar en Compostela os día 29 e 30 de abril. Ana Rodiño, responsábel de Formación da CIG-Ensino, e Anxo Louzao, Secretario Nacional da CIG-Ensino, expuseron ante os medios todo o relacionado con estas xornadas, organizadas pola CIG-Ensino e a AS-PG.

O Gabinete Técnico de Saúde Laboral da CIG presentou o pasado venres, día 18 de decembro en Ferrol, unha xornada técnica na que se fixo a presentación pública de dúas novas publicacións elaboradas polo Gabinete. Ademais, este luns presentouse en Vigo a publicación, “Identificación de Riscos Laborais e Guía de Boas Prácticas para o Sector da transformación de Pedra Natural”. 

Ao longo de toda a mañá o xoves 28 de outubro tiveron lugar as Primeiras Xornadas de Prevención de Riscos Laborais no sector téxtil, no que se presentou a Guia sobre a incidencia dos transtonos musculo esqueléticos no sector téxtil galego, un rigoroso informe para denunciar que moitas das baixas por enfermidade común ou IT veñen derivadas de enfermidades profisionais, como produto destes transtornos musculo esqueléticos. A saúde laboral como unha necesidade fundamental foi outro dos temas a debate entre as máis de 40 delegadas e delegados do sector presentes neste encontro.

A Unión Local da CIG de Valdeorras desenvolverá o vindeiro mércores 20 de maio unhas xornadas sobre os perigos do amianto para a saúde. Trátase dun material que está presente na vida diaria mais que «únicamente representa un risco real para os que traballan con el», explicou Gumersindo Rego, xefe do servizo de neumoloxía ocupacional do Instituto Nacional da Silicose, na rolda de prensa de apresentación. A xornada informativa será o día 20 a partir das nove e media da mañá. Os temas a tratar serán as enfermidades producidas polo amianto, a conciencia e auto-organización de persoas expostas, e as alternativas sindicais.

As Xornadas Laicidade e Cidadanía, celebradas os días 7 e 8 de novembro, no IES Rosalía de Castro, en Santiago de Compostela, reúnen a 320 profesores e profesoras para abordar a problemática das relacións Igrexa- Estado e Laicidade. Durante as xornadas, organizadas pola CIG-ENSINO e a AS-PG, interviñeron personalidades chegadas de distintos puntos do Estado e Portugal para amosar a súa visión sobre esta cuestión.

Ponentes de varios países participarán nunhas xornadas organizadas pola CIG e SINERXIA, coa colaboración da Consellaría de Vivenda e Solo da Xunta de Galicia, coa fin de achegar á sociedade galega o modelo da economía social, e dar a coñecer experiencias de cooperativismo en materia de vivenda e crédito.

Na residencia de tempo libre de Panxón desenvolveuse a xornada "Sindicalizar desde a diversidade", na que participaron delegadas e delegados sindicais, nun encontro que tiña como obxectivos ser un espazo de convivencia onde potenciar actitudes de encontro, diálogo, coñecementos, e que aporte ferramentas práticas que logo se podan utilizar no traballo tanto sindical como na vida persoal das e dos asistentes.