O sector da Mar da CIG denunciou, unha vea máis, a “total desfeita” na que se atopan os bancos marisqueiros da ría de Ferrol e, en consecuencia, a crítica situación e as negativas perspectivas de futuro que viven as/os mariscadoras/es. Dende a Federación comarcal culpabilizouse do estado das augas da ría ao goberno central e á Xunta, mais tamén se apuntou á responsabilidade dos concellos afectados, por non defender os intereses dos seus veciños/as tanto no relativo á situación medioambiental como ás garantías de continuidade da actividade marisqueira.

Os mariscadores e mariscadoras das confrarías de Ferrol e Barallobre anunciaron a súa disposición a “irromper na campaña electoral” se nunha semana a Xunta non dá unha resposta positiva ao proxecto que permitiría combinar a actividade extractiva coas tarefas de limpeza e rexeneración da ría, e garantir deste xeito uns ingresos mínimos para os traballadores/as.

O co voceiro da CIG de Ferrol, o secretario comarcal da FGAMT-CIG e o vicepatrón da Confraría de Barallobre, acompañados polo Deputado do BNG, Bieito Lobeira, alertaron da crítica situación que atravesa o sector marisqueiro da ría, do que dependen directamente 500 familias, por mor da elevada taxa de mortalidade do produto nas bateas depuradoras, os prezos irrisorios aos que se están pagando os moluscos e o incumprimentos dos compromisos adoptados pola Xunta de Galiza.

O colectivo de mariscadores e mariscadoras da Confraría de Barallobre que dende hai un mes mantiñan un peche reivindicativo nas dependencias do Concello de Fene acordaron levantar a medida de presión logo de que a Consellaría do Mar se comprometese a abonar todas as contías pendentes de pago polas tarefas de limpeza e rexeneración da ría.

A Unión Comarcal da CIG de Ferrol, a patroa maior da Confraría de Barallobre e traballadores/as afectados/as, compareceron ante os medios de comunicación este venres para denunciar a crítica situación na que se atopan moitas familias que viven do marisqueo a causa da falta de pagamento por parte da Consellaría do Mar, que adebeda os xornais polas tarefas de limpeza e rexeneración da ría dende o mes de outubro.

A CIG de Ferrol participou esta mañá nunha nova mobilización convocada pola Confraría de Barallobre contra a decisión da Consellaría do Medio Rural e do Mar de excluír ás mariscadoras a pé do Plan de Dinamización da Ría, alegando motivos de índole económica.