O último xoves de agosto volveu reunir a decenas de traballadores e traballadoras de Povisa, asi como compañeiros e compañeiras da CIG da comarca de Vigo, secretarios nacionais de Federacións da CIG e membros da Executiva da CIG, mesmo o secretario xeral da CIG, Suso Seixo, que se achegaron ás tres da tarde fronte a Povisa para amosar a solidariedade coa delegada da CIG no Comité de Empresa deste hospital, que foi despedida nun caso de represión sindical, despois da folga pola negociación do convenio deste centro de traballo. O 3 de setembro está convocada ás 12.30 no SMAC unha nova concentración de apoio e solidariedade, antes de que teña lugar o acto de conciliación.

Malia á intensa chuvia que descargou toda a tarde en Vigo, desde as oito da tarde, e até unha hora despois que chegou a manifestación á Praza da Estrela, escoitouse de novo un berro unánime polo centro da cidade e foi o de “Metal solución”. Asi, esta marcha, que comezaba no cruce de Gran Vía con Urzáiz, conseguía xuntar a traballadores e traballadoras do sector do Metal, asi como familiares e persoas solidarias, nunha mobilización no que máis de 4.000 persoas non se encollían por moita auga que caera. O mércores terá lugar unha nova xornada de negociación desde a mañá, e a partir do xoves hai folga convocada nas empresas afectadas pola negociación do Convenio Provincial, que o venres pasará a ser xeral e afectará mesmo a aquelas empresas con convenio propio.

O martes 9 de xuño ás oito da tarde terá lugar unha manifestación na cidade de Vigo, convocada por CIG, CCOO e UGT, en solidariedade coa loita do Metal e en apoio aos milleiros de traballadores que despois de seis xornadas de folga continuarán nesta semana cunha nova convocatoria de folga. O paro foi aprazado até o xoves como unha mostra de boa vontade das organizacións sindicais de cara a buscar un avance nas negociacións, mentres que o venres esta folga terá carácter xeral, polo que están chamadas todas as empresas do sector, mesmo aquelas que teñen convenio propio. A continuación reproducimos un folleto que vai ser repartido nos centros de traballo, chamando á convocatoria desta manifestación, que sairá ás oito da tarde do cruce de Gran Vía con Urzáiz e que rematará na Praza da Estrela.

O venres 9 de xaneiro e o sábado 10 terán lugar distintas concentracións e manifestacións en apoio ao pobo palestino e contra o masacre de Gaza. A manifestación de Vigo sairá ás 18 da tarde da Via Norte e rematará na Porta do Sol, e a CIG é unha das organizacións convocantes desta mobilización, apoiada por distintos colectivos veciñais, sindicais, sociais e políticos. No interior deste nova encontraredes máis información sobre o resto de mobilizacións no resto do país en apoio ao pobo de Palestina.

Preto de 500 persoas participaron na concentración que tivo lugar na cidade de Vigo o pasado venres 2 de xaneiro ás 20h, diante do MARCO, en repulsa dos bombardeos israelís na Faixa de Gaza, en Palestina.  

Fronte aos bombardeos cos que o exercito de Israel provocou, polo momento, a morte de 360 palestinos e máis de 1600 feridos, así como a destrución de infraestruturas civís, e coa ameaza presente dunha invasión  militar terrestre do territorio palestino de Gaza, diversas organizacións sociais, sindicais, políticas, estudantís, veciñais, feministas e ecoloxistas CONVOCAMOS a toda a cidadanía de Vigo e bisbarra a unha concentración fronte ao MARCO, o vindeiro venres 2 de xaneiro a partires das 20h.