A CIG convoca unha concentración solidaria mañá venres en Pontevedra coincidindo co xuízo polo despedimento dun delegado da central na Inspección Técnica de Vehículos (ITV) de Bueu. O acto de apoio a Antonio Rosales -que rexeitou o acordo no SMAC porque a dirección se negou a falar da súa readmisión- celebrarase diante da Audiencia Provincial a partir das 9.30 horas, unha hora antes do inicio da sesión. Haberá autobuses dende Vigo.

A CIG convoca unha concentración de delegados/as diante dos Xulgados de Vigo, na rúa Lalín, coincidindo co xuízo que se celebra este luns día 3 e no que se lle piden tres anos de prisión a 18 persoas -entre elas os secretarios comarcal e de organización da central nacionalista- por presuntamente teren ocupado unha empresa de traballo temporal. A protesta dará comezo ás 10.00 horas, media hora antes do inicio da sesión.

O xuízo celebrado hoxe contra Antolín Alcántara e Víctor García constatou a obsesión do Ministerio Fiscal por conseguir a condena dos dous dirixentes da CIG que participaron na folga do Metal de 2007. O proceso penal no que están acusados de desordes públicos e danos pola ocupación do edificio da Xunta en Vigo quedou visto para sentenza tras máis de sete horas de sesión sen que a fiscal rebaixase a petición de cinco anos de cadea, a pesar de non quedar acreditada a súa responsabilidade.

A Confederación Intersindical Galega convoca unha concentración solidaria coincidindo co novo xuízo contra o secretario confederal de Negociación Colectiva, Antolín Alcántara -proceso no que tamén está acusado o anterior responsábel do Naval do sindicato nacionalista Víctor García. A protesta desonvolverase ás portas dos Xulgados de Vigo este xoves día 7 de xuño a partir das 9.30 horas.

A CIG rexeita a sentenza que condena a nove e seis meses de prisión os dirixentes sindicais Antolín Alcántara, responsábel de Negociación Colectiva da central nacionalista, e Ramón Sarmiento, secretario comarcal do Metal de CCOO en Vigo, ao entender que se trata dun novo intento de criminalizar o movemento obreiro. Dende a CIG consideran especialmente grave que se persiga xudicialmente a persoas que teñen destacado por defender os dereitos da clase traballadora mentres os causantes desta crise económica que está a afectar a millóns de persoas gozan de total impunidade.

A CIG convoca unha concentración solidaria diante dos Xulgados de Vigo mañá martes a partir das 8.30 horas coincidindo co xuízo, que fora adiado, contra un dirixente da central e outras dúas persoas máis que participaron nas folgas convocadas durante a negociación do convenio colectivo do metal. A Fiscalía solicita catro anos de prisión e unha multa económica para Antolín Alcántara, secretario confedral de Negociación Colectiva e Saúde Laboral, acusado de ocupar a estación marítima xunto a outros traballadores/as durante as mobilizacións do ano 2009.

A CIG convoca unha concentración solidaria diante dos Xulgados de Vigo mañá martes a partir das 11.30 horas coincidindo co xuízo a un dirixente da central que participou nas folgas convocadas durante a negociación do convenio colectivo do metal. A Fiscalía solicita catro anos de prisión e unha multa económica para Antolín Alcántara, secretario confedral de Negociación Colectiva e Saúde Laboral, acusado de ocupar a estación marítima xunto a outros traballadores/as durante as mobilizacións do ano 2009.