Delegadas e delegados da CIG-Servizos realizaron este luns unha marcha a pé entre o edificio de sindicatos e as instalacións de Yudigar en Perillo (Oleiros) para denunciar a política de acoso practicada pola empresa contra unha delegada da central nacionalista. A traballadora foi despedida en maio do ano pasado xusto despois de preavisarse as eleccións sindicais nas que se presentaba como candidatura e tras padecer unha situación de acoso intensa e prolongada.

A Inspección de Traballo vén de recoñecer, despois das denuncias da CIG, un caso de acoso laboral a unha traballadora do Consorcio Internacional de Cine, organismo dependente do Concello de Ourense. Dende o sindicato nacionalista advirten que farán un seguimento do caso até que os responsábeis municipais restitúan á afectada en todas as súas funcións e realicen unha avaliación de riscos psicosociais cun protocolo para estes casos.

Esta mañá celebrábase nos xulgados de Fontiñas, en Compostela, o xuízo rápido pola agresión que a traballadora de Autobuses de Calo, Nélida Pisco, sufriu na nave da empresa por parte do encargado. O xuízo foi finalmente aprazado até o 29 de marzo, a solicitude do avogado da CIG, para que se poidan presentar os informes médicos pertinentes sobre o estado físico de Pisco. Transcorrido tan pouco tempo desde a agresión, aínda non están todos os resultados das probas realizadas, algunhas esta mesma mañá.

A Inspección de Traballo vén de sancionar cunha falta moi grave á empresa Suministros y Áreas de Servicio Ploc (Suarsesa) por vulnerar o dereito á liberdade sindical dun empregado. O Tribunal Superior de Xustiza de Galiza (TSXG) condenara recentemente á compañía que xestiona estacións de servizo de Cepsa en Ribadavia e Ponteareas polo mesmo motivo, decisión contra a que xa non cabe recurso. A sentenza obriga á compañía a devolverlle ao afectado a súa condición de delegado de persoal, cargo que lle foi revogado nunha asemblea que o TSXG considera nula.

Traballadores/as de ThyssenKrupp Elevadores, empresa dedicada á instalación e mantemento de ascensores e escaleiras mecánicas, realizaron na tarde do luns unha concentración diante das instalacións que a compañía ten na Coruña. Coa protesta, o Comité quere denunciar publicamente a situación de acoso laboral á que se vén sometidos tanto os/as traballadores/as como a representación do persoal e a paralización da negociación colectiva.

O Comité de ThyssenKrupp Elevadores, empresa dedicada á instalación e mantemento de ascensores e escaleiras mecánicas, ten convocada unha concentración para o luns 7 de novembro, ás 19:15 horas, diante das instalacións que a compañía ten na Coruña. Coa protesta, o Comité quere denunciar publicamente a situación de acoso laboral á que se vén sometidos tanto os/as traballadores/as como a representación do persoal.

Delegados e delegadas da CIG realizaron unha concentración na mañá deste mércores ás portas dos Xulgados de Ferrol en rexeitamento ao acoso laboral que a empresa Prosegur está a realizar a un traballador, afiliado á central sindical. O acto de protesta tivo lugar coincidindo coa celebración do xuízo contra a empresa, que finalmente foi adiado, xa que o avogado da mesma “esqueceu as probas”.