A Sección Sindical da CIG en Betanzos vén de denunciar publicamente que máis de un ano e medio despois de ser denunciado polo Comité de Empresa, o Concello de Betanzos “teima en deixar en punto morto a negociación do convenio colectivo baixo a pretensión de deixar ao persoal laboral sen convenio”. Así, explican, a día de hoxe, e despois de escasas reunións, non está nin a metade do convenio negociado e as conversas están en punto morto dende hai catro meses.

Coincidindo coa celebración do Consello da Xunta e tras da publicación no DOG da nova RPT pola que se despedía a 59 traballadores e traballadoras da Administración pública, as organización sindicais con representación na  Mesa Xeral de Emprego Público de Galiza convocaban concentracións diante dos principais edificios administrativos para manifestar a súa oposición ás amortizacións, destrución de emprego e consecuente deterioro dos servizos públicos.

 No Pleno do Parlamento galego do mércores 15 de maio, o Presidente da Xunta aseguraba que non existen contratos anteriores ao 2003 co seu daquela amigo Marcial Dorado porque “só hai obriga de arquivar os documentos durante 10 anos”. A CIG-Administración desmente esta afirmación e asegura que non se poden destruír documentos mentres subsista o seu valor probatorio e que para a súa xestión a administración conta cun grupo de funcionarios especializado no eido da arquivística (Corpo Especial de Arquivos).

Coindindo coa campaña propagandística da Xunta de Galiza, que aproveitou o Día da Familia, 15 de maio,  para xustificar os recortes cun video propagandístico no que unha familia tradicional (o modelo de familia galega do Partido Popular) non gasta máis do que ten, publicábase no DOG a RPT pola que a consellaría de Traballo e Benestar despide a 59 traballadoras e traballadores da administración pública. “59 familias que se van á cola do paro”, denuncia o sector da Autonómica da CIG-Administración.

O martes 14 de abril, iniciouse o 11º peche que veñen realizando as traballadoras e traballadores do Centro de Atención a Persoas con Discapacidade Física (CAMF-Imserso) de Ferrol semanalmente. Como veñen facendo habitualmente concentráronse entre as 12.00 e as 12:30 horas nas portas dianteiras do centro de traballo.

Empregados e empregadas da Xunta de Galiza concentrábanse na mañá deste martes en San Caetano para denunciar os despedimentos e a destrución de emprego público que esta semana se vai facer efectiva, unha vez se publique a modificación da Relación de Postos de Traballo no Diario Oficial de Galiza. Na mobilización, convocada polas centrais sindicais presentes na Mesa Xeral de Emprego Público en Galiza denunciáronse tamén as consecuencias que, nas condicións laborais do persoal das administracións públicas de Galiza, terá a Lei de Emprego Público que pretende aprobar o Partido Popular.

As catro organizacións sindicais presentes na Mesa Xeral de Emprego Público (CIG, CCOO, UGT e CSIF) convocan unha concentración, este martes, día 14 de maio, ás 12:00 horas, na explanada da cafetería do edificio administrativo da Xunta de Galiza, en San Caetano, para denunciar os despedimentos e a destrución de emprego público que esta semana se vai facer efectiva, unha vez se publique a modificación da Relación de Postos de Traballo no Diario Oficial de Galiza.