A FGAMT-CIG de Ferrol vén de amosar o profundo malestar pola situación de incerteza que están a vivir os mariscadores e as mariscadoras da ría tras da instalación da batea para depurar moluscos. Esta batea, segundo as afirmacións da Consellaría do Mar, tería que solucionar os problemas do colectivo, mais logo de varias semanas en funcionamento amósase totalmente ineficaz xa que o marisco depositado non se pode vender por non resultar apto para o consumo.

A FGAMT-CIG de Ferrol volveu amosar o seu malestar pola actuación do Instituto Social da Mariña á hora de determinar os horarios dos cursos para os traballadores/as de baixura e do marisqueo, xa que a formación se imparte no tempo durante o que estes/as profesionais teñen que faenar.

Os integrantes da Mesa do Plan de Dinamización da ría de Ferrol compareceron esta mañá en rolda de prensa para esixir a recuperación e o saneamento integral da ría co obxecto de eliminar as Zonas C e permitir ao colectivo de traballadores/as do mar retornar con plena normalidade á súa actividade produtiva. Así mesmo, durante a comparecencia denunciouse a situación de abandono na que a Consellaría ten deixado aos mariscadores/as e as pretensións da administración galega de disolver o programa, a pesar de que a ría continúa sendo a máis contaminada de Galiza.

As organizacións que integran a Mesa do Plan de Dinamización da Ría de Ferrol (CIG, CCOO, UGT e as Confrarías de Ferrol, Barallobre e Mugardos) mantiveron o xoves 27 unha reunión na que acordaron solicitar de xeito conxunto á Consellaría de Mar que convoque unha xuntanza urxente da mesa de negociación para abordar a situación actual da ría e as condicións nas que se atopan os mariscadores/as.

A FGAMT-CIG de Ferrol volveu amosar a súa preocupación pola situación na que se atopa o colectivo de mariscadores/as da ría. Ademais, instou á conselleira do Mar, Rosa Quintana, para que “dunha vez participe na mesa do Plan de Dinamización” e convoque unha mesa intersectorial para abordar e buscar solucións á problemática derivada da extrema contaminación da ría.

A FGAMT-CIG de Ferrol trasladou publicamente o seu apoio ás mobilizacións que o colectivo de mariscadoras e mariscadores da ría están a realizar estes días en protesta pola falta de pagamento dos seus salarios. A Federación comarcal critica que “outra vez, a Xunta esquece a estes profesionais atrasando os pagos como vén sendo habitual nestes últimos meses”.

Representantes da Plataforma para a Defensa da Ría do Burgo anunciaron esta mañá en rolda de prensa a convocatoria dunha manifestación o vindeiro domingo 2 de outubro para demandar das distintas administracións que abandonen as polémicas estériles e poñan en marcha con carácter urxente un proxecto integral de saneamento, limpeza e rexeneración ambiental da ría. A marcha, na que se agarda unha importante participación cidadá, sairá ás 12 do mediodía dende a Praza de Europa, no Burgo.