Centos de persoas participaron este domingo 2 de outubro na manifestación convocada pola Plataforma para a Defensa da Ría do Burgo para demandar das distintas administracións que abandonen as polémicas estériles e poñan en marcha con carácter urxente un proxecto integral de saneamento, limpeza e rexeneración ambiental da ría.

Diante da falta de avances para un entendemento entre a Administración do Estado, o Goberno galego e as entidades locais, de cara a pór en marcha de xeito urxente todas as actuacións que precisa a Ría do Burgo, a Confraría de Pescadores da Coruña e a Plataforma para a Defensa da Ría do Burgo veñen de convocar a todas as partes a unha xuntanza na Casa do Mar o vindeiro mércores 21 de setembro, ás 17:00 horas.

Representantes da Plataforma para a Defensa da Ría do Burgo anunciaron esta mañá en rolda de prensa a convocatoria dunha manifestación o vindeiro domingo 2 de outubro para demandar das distintas administracións que abandonen as polémicas estériles e poñan en marcha con carácter urxente un proxecto integral de saneamento, limpeza e rexeneración ambiental da ría. A marcha, na que se agarda unha importante participación cidadá, sairá ás 12 do mediodía dende a Praza de Europa, no Burgo.

Arredor de cen mariscadores e mariscadoras iniciaron esta mañá un peche na delegación da Consellaría do Mar en A Coruña para demandar da responsábel de Pesca da Xunta, Rosa Quintana, que manteña o convenio subscrito co colectivo, unha vez demostrado que na área declarada ilegalmente zona B non existen marisco e polo tanto non se produciu unha rexeneración da ría, tal e como se aseguraba dende a administración galega.

A Plataforma para a Defensa da Ría do Burgo da Coruña decidiu trasladar á Unión Europea a problemática derivada da degradación deste espazo ao entender que a pasividade das autoridades responsábeis (Estado español, Xunta de Galiza e Concellos) está a provocar unha situación de emerxencia ambiental “que pon en risco a saúde humana”. A rede de colectivos, entre os que se atopa a CIG, reclama tamén a posta en marcha dun plan de saneamento integral e a persecución dos responsábeis dos verquidos contaminantes.

A Plataforma para a defensa da Ría do Burgo, integrada por máis de 30 entidades, entre as que se atopa a CIG, diante do anuncio da Xunta de Galiza de abrir parcialmente a ría ao marisqueo a partir de mediados de xullo, ten convocada unha xuntanza o vindeiro venres, 9 de xullo, para avaliar as actuacións a levar a cabo contra esta decisión. Dende a Plataforma quérese manifestar a total oposición á apertura da Ría da Burgo, xa que dende a súa constitución en marzo de 2008 non se efectuou ningunha das reivindicacións do colectivo, manténdose as administracións estatais, galega e municipais nunha completa actitude de desprezo cara aos traballadores/as e a poboación afectada e ignorando o cumprimento das normativas vixentes.

Representantes da Plataforma para a Defensa da Ría do Burgo rexistraron o 27 de novembro un escrito no Edificio Administrativo de Monelos no que demandan entrevistarse co conselleiro de Medio Ambiente e cos alcaldes dos concellos da Coruña, Cambre, Culleredo e Oleiros.