Arredor de 600 persoas chegadas de todos os continentes participaron na 37ª Conferencia de Coordinación e Solidariedade co Pobo Saharauí, reunida na cidade de Sevilla, os días 3, 4 e 5 de febreiro. Como vén sendo habitual, as organizacións sindicais participantes elaboraron unha declaración e asumiron unhas liñas de traballo para este ano 2012. Estas reflexións terán continuidade durante o Congreso da UGTSARIO, a celebrar no mes de outubro nos campamentos de refuxiados.

Un total de 16 centrais sindicais provenientes de Angola, Brasil, Chipre, Estado español, Euskal Herria, Galiza, Francia, Italia, Portugal, Reino Unido, Sahara Occidental e Senegal,  participaron na V Conferencia Sindical Internacional en Solidariedade cos Traballadores e o Pobo Saharui que se celebrou en Lisboa os pasados 27 e 28 de outubro.

A CIG participou na delegación sindical europea que a finais do pasado mes de xaneiro visitou os territorios ocupados do Sáhara Occidental co obxecto de trasladar a solidariedade e apoio ao pobo saharauí e avaliar sobre o terreo a situación a respecto dos dereitos humanos, sindicais, laborais e políticos, tendo como referencia os últimos e gravísimos ataques de Marrocos.

Diante dos tráxicos sucesos que están a acontecer nos territorios ocupados do Sáhara Occidental, na tarde do xoves, 16 de decembro, desenvolveuse en A Coruña unha nova concentración de apoio á loita dos e das saharauís pola súa autodeterminación e contra os brutais ataques perpetrados polo réxime marroquí. A concentración, convocada por distintas organizacións sociais, entre as que se atopaba a CIG, realizouse diante da Delegación do Goberno, onde se procedeu á lectura dun manifesto.

No dia de onte tiveron lugar en Galiza concentracións de apoio á loita dos e das saharauis pola súa autodeterminación e contra o brutal ataque ao campamento de protesta que até o día de onte se situaba nas aforas de El Aiún, arrasado polas tropas marroquís despois dunha brutal intervención armada que deixou, segundo as primeiras estimacións, 730 feridos/as, 19 mortes e mais de 150 desaparicións. 

Desde hai varias semanas, arredor de  20.000 saharauis instalaron un campamento con máis de 6.000 haimas en Agdaym Iciq, moi perto de El Aaiún, no territorio saharauí ocupado militarmente por Marrocos. As persoas alí concentradas esixían ás autoridades de ocupación melloras sociais e o respecto polos Dereitos Humanos. Este luns día 8 de novembro, o exército do Marrocos atacou brutalmente o campamento, asasinando a cando menos 13 persoas e detendo a preto de medio cento de saharianos.  

A CIG vén de iniciar unha campaña de recollida de sinaturas entre traballadores/as, seccións sindicais, comités de empresa e sindicatos en solidariedade coa activista saharauí Aminetu Haidar na súa loita pola Soberanía do Sáhara Occidental. O manifesto de apoio pódese asinar dixitalmente a través da web da CIG pinchando no banner superior da páxina de inicio ou a través do enlace que atoparás ao final desta nova.