O cadro de persoal de Treves Pontevedra aproveitou a primeira xornada de folga para realizar unha concentración de protesta diante da Inspección de Traballo en Vigo co obxectivo de reclamar unha mediación activa no conflito laboral coa empresa de automoción. A decisión de convocar un paro que terá continuidade este xoves adoptouse para esixir carga de traballo que permita o mantemento de todos os empregos e para denunciar que a dirección négase a publicar como convenio o acordo laboral acadado tras as mobilizacións de febreiro.

 O comité de empresa de Treves Pontevedra denunciou o que considera un peche patronal despois de que a produción da compañía con sede no polígono do Campiño permanecese suspendida por orde da dirección ante os problemas de subministro que sofre Citröen. Dende a CIG denuncian que o peche produciuse sen que se tivese respectado a obrigación de comunicalo con tres días de antelación e reiteran que manteñen a convocatoria de folga para a semana que vén. 

Representantes da CIG en Treves, e da Unión Comarcal de Pontevedra, realizaron no día de hoxe unha rolda de prensa na que deron conta da decisión unánime da asemblea de traballadores desa empresa, de poñer fin á folga que estaban a desenvolver unha vez acadaron un acordo coa empresa que cumpre os obxectivos fixados por parte da central sindical nacionalista.

As empregadas da empresa auxiliar da automoción Treves de Pontevedra afectadas por un Expediente de Regulación Emprego extintivo contarán cun plan de formación específico que as preparará para facilitar a súa recolocación noutos sectores. Este é alomenos o compromiso que a Xunta de Galiza lles trasladou na xuntanza celebrada hoxe. Dende a Federación Galega de Alimentación, Mar e Téxtil da CIG anunciaron que seguirán a reclamar a recolocación das operarias despedidas.

Unha representación do Comité de Empresa de Tréves e da FGAMT-CIG, nomeadamente do seu secretario nacional, Xosé Fernández Piñeiro e a secretaria nacional do Téxtil, Dores Martínez, reuníronse este luns 19 de abril co Director Xeral de Relacións Laborais, Odilo Martiñá, no marco da Comisión de Control e Seguimento da aplicación de ERE. Unha xuntanza na que se constatou a ausencia de avances na aplicación dos acordos asinados cando se efectivizou o peche da empresa entre a parte social e a administración.

Un grupo de traballadores/as da factoría de Treves pecháronse esta mañá na delegación da Xunta en Pontevedra para reclamar da administración información sobre as negociacións do novo expediente de regulación temporal que a multinacional francesa vai comezar a aplicar até finais de ano. O persoal, que iniciou hoxe dúas xornadas de folga na fábrica do Campiño para amosar o seu rexeitamento a esta nova regulación, demanda á empresa que garanta a continuidade do emprego máis alá de 2010 así como o respecto ao cobro dos salarios e as pagas extraordinarias durante o período de aplicación do ERE.

O venres 2 de outubro por primeira vez desde que se iniciou o conflito e a presentación do ERE a finais de xuño en Treves, a Administración, a través do director xeral de Relacións Laborais convoca ao Comité de Empresa e á dirección de empresa a unha xuntanza ás 12.30 no edificio da delegación territorial da Xunta en Pontevedra, na que tamén vai estar presente a Inspectora de Traballo que leva este ERE.