O consello da sociedade Pequeños y Medianos Astilleros en Reconversión (Pymar) decidiu por ampla maioría adherirse ao convenio de Vulcano, o que abre unha porta á supervivencia do estaleiro vigués, que evita deste xeito ter que ir á liquidación da empresa. O acordo contempla a quita do 80% da débeda do estaleiro con sede no barrio de Teis.

O cadro de persoal de Cespa, concesionaria municipal de limpeza e mantenemento de parques e xardíns, aceptou a oferta de convenio presentada pola empresa por só cinco votos de diferencia. O preacordo, que será ratificado en breve polo comité, establece unha subida salarial e a creación de seis contratos fixos.

Logo de múltiples mobilizacións, o Concello de Vigo vén de asinar un acordo xunto coa CIG para esixir a Linorsa que cumpra co acordo que puxo fin á folga de 22 días protagonizada polas traballadoras da limpeza dos colexios públicos da cidade. A CIG lamenta o atraso intencionado na sinatura deste documento, no que se recolle tamén a readmisión, nun prazo máximo de 10 días, da traballadora despedida en xaneiro por ter participado nas mobilizacións.

A federación de Banca, Aforro, Seguros e Oficinas da CIG lembra que os sindicatos non asinaron ningún tipo de acordo ou preacordo coas caixas galegas, e moito menos un Expediente de Regulación de Emprego. A central nacionalista desmente deste xeito o comunicado feito público polas direccións das caixas e cualifica a súa actitude de irresponsábel.  A CIG considera desafortunadas as declaracións da patronal porque chegan nun momento “moi delicado” das negociacións e despois de que a central nacionalista anunciase a posibilidade de comezar coas mobilizacións no caso de que non se producise un cambio nos contactos.

CIG e ELA veñen de rexeitar o acordo acado entre Banco Pastor e as organizacións sindicais CCOO, UGT e FITC, que consagra a flexibilidade horaria para o 90% do cadro do persoal, legalizando a extensión irregular da xornada laboral, xa que non se habilita ningún tipo de control horario. Ademais, denuncian dende a CIG-Banca, permitirá implantar a xornada partida 3 días ao mes, cun horario de 8 a 19:00 horas, no que os traballadores e as traballadoras terá unha hora e media para xantar por quendas, xa que non se pecharán as oficinas.

A CIG-Ensino non apoiará a addenda ao Acordo sobre o acceso á función pública do profesorado interino e substituto, xa que non incorpora ningún avance que beneficie a este colectivo e non contempla medidas para garantir a estabilidade laboral dos interinos. Neste senso, dende a Federación do Ensino lembran que na actualidade existe un amplo colectivo de profesores e profesoras con máis de 20 e 30 anos de servizo que dependen dun contrato de substitución.

A CIG e os membros do Comité desta central rexeitaron o acordo asinado esta mañá por UGT, os representantes de Termavi e a Autoridade Portuaria, que suporá a fin da folga e das medidas reivindicativas levadas a cabo polo persoal da empresa ao longo dos últimos días. O acordo implica que ningún dos despedidos será readmitido, non achega garantes para a suposta recolocación dos afectados e bota por terra a dura loita que realizou o conxunto do persoal estes días.