Traballadoras de Zara e representantes de CIG-Servizos concentrábanse este martes diante da tenda da multinacional da Praza de Galiza, no centro de Compostela. Denuncian as consecuencias que ten a decisión da empresa de aplicar a reforma laboral para fixar horarios nuns casos e reducir xornadas, noutros, para a conciliación da vida laboral e familiar do seu persoal.

Traballadores/as de Zara da provincia da Coruña concentráronse este martes ás portas da tenda da Praza de Galiza de Compostela para denunciar o incumprimento, por parte de Inditex de parte do articulado do convenio de comercio vario. En concreto refírense ao artigo 15, que estabelece que os traballadores/as a tempo parcial terán dereito preferente a incrementar a súa xornada de traballo fronte á celebración de novas contratacións.

Traballadoras e traballadores de Zara na Coruña desenvolveron na mañá deste venres dúas concentracións (a primeira diante do estabelecemento comercial da rúa Juana de Vega e posteriormente diante da Fundación Inditex en Sabón) para reclamar un cambio na política laboral da multinacional e na demanda de novas contratacións para facer fronte á carga de traballo.

A Confederación Intersindical Galega logrou incrementar a súa representación na empresa Zara da provincia de Pontevedra despois de lograr cinco delegados/as nas eleccións sindicais.

A sección sindical de Pull&Bear quere evidenciar diante da opinión pública a enorme contradición entre o “esforzo” expansivo e os inxentes beneficios acadados polo grupo Inditex e a “actitude hipócrita” mantida polo xigante do téxtil nas mesas de negociación coa representación dos traballadores/as. Negociacións nas que a empresa se escuda no argumento da crise económica para achegar incrementos salariais cativos e “mesmo irrisorios”.

A Sala do Social do Tribunal Superior de Xustiza de Galiza condenou Zara España S.A. por vulnerar o dereito á liberdade sindical da CIG-Servizos. Esta firma do grupo Inditex deberá indemnizar a central con 1.264,78 euros polo prexuízo moral ocasionado. Zara negáralles permisos retribuídos a dúas traballadoras que designara o sindicato para acudir a xuntanzas da negociación do convenio provincial do comercio téxtil ourensán.

A CIG valora positivamente o pacto asinado hai días en Zara Logística pois mellora con creces os que rubricara no pasado CCOO coa empresa. O presente acordo, que ten unha validez de tres anos, incrementará os salarios do persoal, reducirá as horas de traballo e inclúe melloras sociais para os empregados.