Con asistencia de 1.300 congresistas chegados de todo o territorio nacional está celebrándose en Bogotá sob o lema “É a hora do pobo”, o IX Congreso Nacional da CGT - Confederación Xeral do Traballo de Colombia. Organizacións sindicais de Aruba, Arxentina, Bélxica, Brasil, Chile, Costa Rica, Curaçao, Estado español, Galiza, Guatemala, Holanda, México, O Salvador, Panamá, Perú, Rep. Dominicana e Venezuela están acompañando as sesións congresuais.

O Congreso comarcal da federación do Metal da CIG de Vigo escolleu este sábado a Manuel Simón como novo secretario. A súa candidatura, a única presentada, conseguiu o aval de 57 delegados/as e 27 votos en branco, mentres que a Executiva comarcal que encabezará os vindeiros catro anos obtivo 60 votos a favor e 12 en branco. O secretario comarcal da CIG de Vigo, Serafín Otero, foi o encargado de pechar un acto no que tamén se escolleron os membros da Dirección Comarcal e do Consello Federal e participaron arreor dun cento de delegados/as.

A Federación de Químicas e Enerxía da Confederación Intersindical Galega celebra este sábado o seu V Congreso, ao que está previsto que asistan uns 125 delegados/as. Entre os principais puntos da orde do día figuran a elección do novo secretario nacional -cunha única lista encabezada por Alberto Gonçalves- e o debate de fusión coa Federación do Metal.

Ducias de delegados e delegadas da CIG da área pública concentráronse esta mañá diante da Delegación do Goberno en A Coruña para amosar o rotundo rexeitamento da central ás medias de recorte do déficit público que veñen de aprobarse no Pleno do Congreso. Durante a protesta, a CIG reclamou un cambio de modelo, unha aposta por reformas de carácter estrutural profundas e reiterou o chamamento a UGT e CCOO de cara a preparar a convocatoria inmediata dunha folga xeral, que paralice a consolidación de novos ataques á clase traballadora.

A instancias da CIG, a deputada do BNG no Parlamento do Estado, Olaia Fernández Davila, presentou unha Proposición para esixir do Goberno a ampliación dos coeficientes reductores da idade de xubilación ós traballadores do Granito e da Lousa, e a extensión dos mesmos ós sectores de transformación (Aserradeiros de Pedra e Marmorerías).

A CIG tomou parte no IV Congreso da Intersindical-CSC, que tivo lugar o 20 de decembro en Barcelona. Isabel Pallarès, que volveu saír elixida Secretaria Xeral, destacou no seu discurso de clausura o “crecemento sostido e regular” da central, que “dobrou o número de afiliación e representación dende o último Congreso”.

Coa asistencia de 907 congresistas titulares e arredor de 300 suplentes sen dereito a voto, celebrouse en Montevideo o X Congreso do PIT-CNT, que levou o nome de dous dirixentes recentemente falecidos: José D‘Elia e Hugo Cores. A práctica totalidade do sindicalismo uruguaio está integrado no PIT-CNT, que non é unha central sindical en sentido estrito, senón unha estrutura híbrida que oscila entre a coordinación sindical e a dirección executiva.