Os orzamentos para Educación caen un 0,6% para 2012, ou o que é o mesmo, 12,6 millóns de euros. Fronte a isto, a CIG-Ensino denunciou, en rolda de prensa, que amplían a privatización, tendendo a un ensino máis clasista e selectivo, que os centros terán menos profesorado, que aumentarán o fracaso escolar, que amosan un total desleixo cara o noso idioma e que, no seu conxunto son tan restritivos que poñen en perigo o xa debilitado ensino público.

A CIG-Autonómica amósase moi crítica coa actitude do Goberno galego, a quen acusa de recortar en servizos públicos ao tempo que mantén unha serie de gastos superfluos que beneficiarían a amigos e achegados. A central nacionalista cita, entre outros exemplos, o millón de euros destinado a propaganda para a Consellería de Educación ou o que define como “as megalomanías do Gaiás”.

A CIG-Ensino denuncia que despois das reunións informais, “que non Xuntas de Persoal”, tal e como marca a lexislación vixente, mantidas nas xefaturas territoriais de A Coruña, Lugo e Ourense, a administración non vai cubrir a maioría das peticións de profesorado dos centros educativos trasladadas pola central sindical. “O caso máis sangrante”, afirman,  é o de Pontevedra, onde nin sequera se fixo a reunión, quedando esta para setembro, cando xa están feitos os nomeamentos do profesorado.

A CIG-Ensino levantouse da mesa sectorial de Educación, na súa xuntanza deste venres, diante da negativa da consellaría de Educación a retirar a orde pola que se regulan os centros plurilingües en Galiza. Xunto á CIG abandonaron a mesa UGT e STGA, que suman, entre as tres organizacións practicamente o 70% da representación sindical. A CIG-Ensino esixiu a retirada desta orde porque non garante un mellor aprendizaxe das linguas estranxeiras e por que considera que nin se axusta á legalidade nin é beneficiosa para o ensino. “Trátase dunha ferramenta destinada a crear centros de diferentes categorías e vai ser usada contra o noso idioma”, denuncia.

A CIG-Ensino vén de anunciar a presentación dun recurso contencioso-administrativo perante o Tribunal Superior de Xustiza de Galiza contra o decreto de Plurilingüismo, que sae publicado este martes, 25 de maio, no Diario Oficial de Galiza. A CIG-Ensino denuncia que a consellaría de Educación impón así un decreto que atenta contra o galego e que suscitou o maior rexeitamento da historia da normalización lingüística.

Na reunión celebrada este xoves 15 de abril da Comisión Tripartita de Ensino Privado Concertado (CTEPC) a Consellería de Educación demostrou, unha vez máis, a falta de vontade negociadora. A Administración educativa fixo unha proposta de Acordo de Mantemento de Emprego que todas as organizacións, tanto sindicais como empresariais, presentes na Comisión Tripartita de Ensino Privado Concertado (CTEPC) cualificaron de retroceso respecto aos acordos precedentes.

A CIG-Ensino denuncia o prexuízo que se lle está a causar ao alumnado, ao profesorado e ao ensino en xeral pola decisión da Consellaría de Educación de deixar de cubrir as baixas diante da proximidade das vacacións de “Semana Santa”.