O domingo 28 de abril tiña lugar a terceira e, até o momento, última xornada de folga convocada polo Comité de Traballo e Benestar da Coruña nos centros dependentes desta Consellaría, en demanda dunhas quendas de traballo equilibradas e con compensacións xustas. Durante a xornada de paro, realizáronse tamén concentracións nos centros de maiores de Caranza (Ferrol) e Porta do Camiño (Compostela).

Traballadores e traballadoras das Oficinas de Valoración da Dependencia de Ferrol e Santiago de Compostela realizaron este mércores unha xornada de peches e asembleas en contra das amortizacións anunciadas pola Consellaría de Traballo e Benestar e a prol da continuidade destas unidades en ambas cidades “e do mantemento dos servizos sociais públicos cerca dos potenciais usuarios e en mans de profesionais técnicos cualificados/as no Traballo Social”.

Este domingo 14 de abril desenvolveuse a primeira das tres xornadas de folga convocadas nas residencia de Maiores, Centros de Menores e CAPD da provincia da Coruña, para reclamar o estabelecemento de quendas de traballo para o 2013 equilibradas, que respecten os dereitos do persoal laboral, e que se teñan en conta as compensacións por traballo en domingos e festivos, e o descanso por solapamento de xornada.

O Comité de Empresa de Traballo e Benestar da Coruña ten convocadas tres xornadas de folga nos centros da provincia dependentes da Consellaría para reclamar o estabelecemento de quendas de traballo para o 2013 xustas e equilibradas, que respecten os dereitos do persoal laboral, e que se teñan en conta as compensacións por traballo en domingos e festivos, e o descanso por solapamento de xornada.

Traballadoras e traballadoras da Oficina de Dependencia de Ferrol e membros do Comité de Traballo e Benestar da Coruña fixeron entregada esta mañá no rexistro da Xunta de Ferrol de preto de 2.000 sinaturas individuais recollidas nas últimas semanas entre a cidadanía da comarca, a favor de que se manteña este servizo e contra das amortizacións de postos de traballo.

Traballadores e traballadoras das oficinas de Valoración da Dependencia de Ferrol e Santiago de Compostela e do Complexo Xuvenil de Gandarío-Sada continuaron este mércores coas mobilizacións en defensa dos servizos públicos e contra a supresión de postos de traballo que pretende levar adiante a Consellaría de Traballo e Benestar, dentro do plan para amortizar prazas ocupadas por persoal laboral indefinido a través dunha modificación da RPT. A medida da Xunta de Galiza suporá tamén a amortización de prazas en residencias de maiores, oficinas de emprego e centros de maiores.

A Xunta de Galiza vén de comunicar ás organizacións sindicas a proposta de modificación da RPT da Consellaría de Traballo e Benestar, pola cal se amortizarían 251 postos de traballo. Ademais, no marco desta modificación, a Xunta ten intención de aplicar un ERE para persoal laboral, acolléndose á insuficiencia orzamentaria sobrevida como causa obxectiva para estes despedimentos, e continuando deste xeito á vangarda da aplicación das lesivas medidas de “austeridade”.