A CIG-Ensino fixo entrega na mañá do 19 de maio de 5.546 sinaturas en defensa do mantemento dos postos de traballo no Consorcio Galego de Servizos de Igualdade e Benestar, do carácter público dos servizos que ofrece e en demanda da realización inmediata dos procesos selectivos paralizados como consecuencia das eleccións galegas. No escrito rexistrado na Xunta, as catro presidentas dos Comités provinciais do Consorcio lembran as declaracións realizadas por Feijoo en relación ao organismo e advirten á Conselleira de Traballo e Benestar que “non imos aceptar ningún paso atrás en materia de prestacións sociais”.

A CIG-Ensino entregou no Rexistro xeral da Xunta de Galiza as sinaturas de 356 coordinadores/as das Equipas de Normalización Lingüística dos centros públicos de ensino, reclamando o mantemento do Decreto de Normalización e uso do galego, así como medidas de protección e promoción activa do noso idioma. O secretario da CIG-Ensino, Anxo Louzao, lembrou que o noso idioma é “a lingua desfavorecida” e subliñou que a central “non está disposta a aceptar medidas que supoñan unha involución do galego”, especialmente cando os datos dos últimos estudos revelan que o uso da lingua propia da Galiza se atopa en continúa recesión.

A CIG-Ensino fixo entrega, no rexistro da Xunta, de 8.125 sinaturas de profesorado na mañá deste mércores 19 de novembro. As sinaturas son resultado dunha campaña que tiña como obxectivo reclamar unha serie de melloras dirixidas a garantir a calidade do ensino e as condicións laborais e profesionais do profesorado.

Un numeroso grupo de traballadores e traballadoras do servizo de emerxencias 112 de Galiza acudía o 9 de setembro a unha nova marcha para reclamar que se escoiten as súas demandas, así como para facer entrega no edificio administrativo da Xunta das máis de 4.000 sinaturas de apoio que teñen recollido ao longo dos últimos meses.

O martes 9 de setembro ás 11.30 partirá desde o Parlamento Galego unha marcha dos traballadores e traballadoras do 112, que chegará a San Caetano ás 12.30 da mañá. Neste edificio administrativo da Xunta terá lugar a entrega de máis de 4.000 sinaturas que estes traballadores e traballadoras levan recollendo en apoio das suas demandas.

Representantes da CIG fixeron entrega, este martes día 17 de xuño, das máis de 19.000 sinaturas, xa certificadas pola oficina do censo electoral, para promover unha ILP e obrigar á institución parlamentaria a retomar o debate sobre o chamado plus de altos cargos. Porén, non se puido explicar aos medios o contido da mesma porque o xefe de seguridade do Parlamento impediuno, aducindo que tiña ordes de prohibir que se fixeran declaracións, nin sequera na porta de entrada do edificio.