A CIG e o BNG teñen convocada unha manifestación nacional este domingo, 13 de marzo, en Compostela, baixo o lema “Galiza ten dereito. En defensa do aforro, o emprego e o país”. A marcha quere ser unha resposta contundente aos ataques que están a padecer sectores estratéxicos do noso País, nomeadamente as caixas de aforros. Así mesmo, a manifestación que a Federación de Químicas da CIG tiña previsto realizar o domingo 13 na cidade da Coruña en contra do Decreto do Carbón, ficou finalmente desconvocada, ao integrarse na marcha de Compostela, dado o seu carácter máis global.

A CIG e o BNG anunciaron esta mañá en rolda de prensa a convocatoria dunha manifestación nacional o vindeiro domingo, 13 de marzo, en Compostela, baixo o lema “Galiza ten dereito. En defensa do aforro, o emprego e o país”. A marcha, que está aberta a todas as organizacións e colectivos sociais, quere ser unha resposta contundente aos ataques que están a padecer sectores estratéxicos do noso País, nomeadamente as caixas de aforros. Así mesmo, a Federación de Químicas ten integrado nesta mobilización, dado o seu carácter global, a protesta convocada para ese mesmo día contra o decreto do carbón, polo que fica suspendida a concentración da Coruña.

A CIG vén de reclamar publicamente a Xunta de Galiza e Goberno español unha maior implicación co naval galego co obxectivo de superar a grave crise que atravesa o sector. Representantes da federación do Metal compareceron hoxe en rolda de prensa co deputado do BNG Henrique Viéitez para presentar a moción que a formación nacionalista presentará no parlamento galego e que recolle unha serie de medidas propostas pola recentemente creada Coordinadora do Naval do sindicato.

O secretario xeral da CIG chama á cidadanía galega a defender na rúa os seus dereitos sociais e laborais fronte á maior ofensiva do sistema capitalista en 60 anos. Suso Seixo lembrou durante un acto de apoio á folga xeral organizado polo BNG en Vigo -no que participaron o voceiro nacional, Guillerme Vázquez, e o candidato á Alcaldía de Vigo, Santi Domínguez- que “o único xeito de facelo é coa confrontación social a través da mobilización”.

Representes da CIG mantiveron unha xuntanza este luns cunha delegación do BNG de cara a recoller apoios para a convocatoria de folga xeral do vindeiro 27 de xaneiro. Durante o encontro abordouse a situación socioeconómica actual e avaliáronse as consecuencias que están a ter as políticas aplicadas polos gobernos galego e español e os recortes que suporá a aprobación dunha reforma das pensións nas liñas defendidas polo executivo estatal.

Representantes de organizacións políticas e sociais participaron esta mañá nunha xuntanza convocada pola CIG para analizar a situación socioeconómica actual, as consecuencias que terá a reforma laboral e as que o goberno ten xa en carteira. Os asistentes comprometéronse a facer un chamamento á folga xeral non só para frear a aplicación destas reformas senón tamén para denunciar aos responsábeis da crise, a perversidade do neoliberalismo e exixir cambios estruturais que permitan camiñar cara un modelo de organización económica e social máis xusto para a maioría social.

O informe económico elaborado pola administración concursal de Alfageme vén confirmar as sospeitas da CIG no que respecta á responsabilidade da dirección na situación que atravesa a conserveira, inmersa nun Expediente de Regulación de Emprego e sen ter abonado parte dos salarios nin as indemnizacións aos traballadores/as despedidos. Dende a central nacionalista adiantaron que barallan tamén extender a investigación “con carácter retroactivo” ás contas da empresa para determinar se existiron irregularidades tipificadas como delito.